Meeqqagut utertinneqarlittoq

Steve, Aviana & Miki Plautou

Eqqunngitsumik pisaalluni arsaagaaneq “illikartitaaneq”

Angajoqqajuvugut sisamanut,pingasulli paaralutigit. Maannakkumut meeqqanik oqaraanni meeqqat angerlarsimaffiup avataanut inissinneqarnikuupput,siorna September qaammat,ulloq taanna kommunemi oqaloqatiginiarneqarpugut nunaqarfitsinni isumaqaraluarpugut tassa oqaloqatiginiarneqarluta sunaaffa naami. Ullaaq taanna suliffinni sulivunga oqaloqateqartussaalluta meeqqat nukarliit marluk aanaavanut paaritikkiartorpagutoqaloqateqalerattami,angajulleq atuartoq,kommunemut isileriallaratta politiit marluk socialimi sulisut marluk meeqqallu angerlarsimaffiup atavataani sulisup ningiua. Sunaaffa meerannguagut aaneqartut. Iseratta pappialat marluk kuglepin-allu marluk sunaaffa atsiorfissagut,atsiunngikkutta meeqqat ilaginagit aallassasut,atsiorutta atsiorutta allassasugut ilagalugit inissikkiartorlugit. Nassuiaappaatigut angerlarsimaffimmigooq perulluliortoqartarmat ernumaataammata aaneqartut. Uigalu imigassamik ikiaroornartumik atuisuunngilagut,uiga atuinngisaannarpoq uangalu 2013-mi katsorsarnikuullunga. Atsioratta meeqqat atisaat aavagut nukissaalatseqaluta qiaatigaluta kisittaluunniit aneqqusaanata. Ilagalugit inissikkiartorpagut illoqarfimmut. Taamani angajulleq 6-nik ukiulik nukarliit 3-nik nukarlerlu 1-mik ukiulik sulilu nukarleq miluttoq aallaruppagut taamani ajoqisoq,qimannialeratsigit meeqqat qissattut qimallutigit. Nunaqarfimmiuuvugut inukitsunnguami. Naluarpullunniit paasitinneqarata sunaqqissaaq pissutaalluni meeqqatsinnik arsaagaanerluta ” illikkartitsilluta”. Qaammat sinnilaarlugu paasiniarparput sunaqqissaaq pissutaalluni illikartoornerluta meeqqatsinnik. Paasileriallaripput salluliuutinik allakkanillu sakkortusakkanik allagaqartoqarsimasoq. Naammagittaalliorpugut Nuummut maalaaruteqartarfimmut qaammatillu pingasut missaa utaqqivugut,kinguneqaranilu.

Se og forudbestil den nye iPhone her – iPhone 8 & iPhone 8 Plus kan leveres NU!

Aamma Borgemesterimut naammagittaallioraluarpugut,Napparsimaveqarfiup eqqunngitsumik allagaqaatiginikuummatigut naammagittaalliorfiginikuugaluarparput kinguneqaranilu,eqqartuussivimmut tunniussiniaraluaratta itigarlutali,advokatinut illersuisussatsinnik pissarsiniaraluarpugut 7-suni tamarmilli iluatsinnatsik. Qeqqata Kommuneanut allagaqaraluarpugut aamma kinguneqaranilu. Allaat kingullermi allagaqaraluaratta ukioq manna Julimi tammaaneqarluni imaluunniit paasineqarani. Nunaqarfitsinnut aamma pereersugut meeqqagut oqaluuttalerpagut oqaluukkaangatsigit qiarpalullutik anaana,ataataartortut naalliunnartaqaaq allaat panitta oqaasii ” Ataata nalunnguarlunga ornissavassi immamiipput aalisakkat “. Naalliunnartaqaaq meeqqat ukiukikkaluassusaata oqaasii. Pisoq ingerlavoq sullissisullu oqarfigaatigut nunaqarfimmi tigusiniarneq ajornassammat illoqarfimmut nuussasugut akueraarpullu. Taassuma kinguneraa suliffimmik annaasaqarlunga uigalu piniarfimminik aalisarfimminillu nalunngeqqissaakkaminik annaasaqarluni. Illoqarfimmut nuuppugut qaammatit 6-sit meeqqat illikartinneqareersut Marts 1-ni. Meerannguagut pillugit nuuppugut,naak nunagiligarput nuannatinngikkaluarlugu. Illoqarfimmut pigatta Kommunemi oqarfigineqarpugut sukkasuumik iliuuseqassasut meeqqatta tigunissaanut suunaaffa kinguarsarnialermatigit. Illoqarfimmut pigatta meeqqat pulaartalerput kingusinnerulaartukkullu tukkusalerlutik weekend allartarlugu. Katsorsarniaraluarluta qinnuteqaraluaratta atuisuunnginnatali itigartinneqarluta. Familiebehandling ingerlapparput naammassillutigulu,FamilieCenterimi oqaloqateqartarpugut Kommunep peqqussutai malillugit unioqqutitsinikuunngilagut,meeqqallu ilagiffissai unioqqutinnikuunagit. Ulloq mannamut allaat meerannguatsinnik tigusiniarnerput kinguarsarneqaqattaarput sivitsortinneqaqattaarlutik uagut pisuussutiginngisatsinnik. Taannalu uagutsinnut meeqqanullu annertooq tarnikkut ikiligaaneq misigitinneqaqattaarpoq,meeqqammi pillugit sorsuuteqarpugut naak nukissaalatsinaraluartoq. Allaat meeqqat tukkugaangamik paaritikkiartoqqikkusunneq ajorlutik. Ungasunnguillu qimattarlutigit. Meeqanut tunngatillugu nunaqarfimmi napparsimaveeqami sulisoq nassuernikuuvoq taama periarnata kukkusimalluni marloriarluni nalunngisannullu oqaluttuarsimalluni qiaatigaluni taama perianngikkaluarluta nammineq kukkusimalluni,taavalu Napparsimavimmi illoqarfimmi meeqqerisoq nunaqarfitsinniikkami uagutsinnut pulaarluni meeqqat qanoq innersut alakkarlugit ca 15-20 min isersimagami tassuma kingorna allagaqaateqarsimalluni eqqoriaanermigut eqqunngitsumik pilluta. Taama pisoqarnerani naammagittaallioraluarpugut allagaqarluta akineqarpugut illoqqarfip peqqissaavianiik nunaqarfimmi napparsimaveeqqami sulisup allagaqaatini allanngotsinnianngikkai naak pingasorluarluni nassuereernikuugaluarluni,aappaatalu illoqarfimmi peqqissaavimmi meeqqerisup akissutaa imaappoq “eqqortunngooq pivisut nalunnginnamigit” uffalu 15-20 min isersimaannarnikuulluni uffalu nalulluinnarluta. Meeqqat pillugit sukataarpugut,naak tigusiniarnerput ilungersunaraluaqisoq suli sukataarpugut. Sullinneqarnerput allaat ima misinnarluni upakaasiarineqarluta Qeqqata Kommunea-niik. Maleruaqqusaalu unioqqutinnikuunatigit. Maannakkumut killiffipput ima oqaasertalerneqarluni aningaasaqarnerput ajormat meeqqanut ernumagineqarluni uagutsinnut angerlassappata,uima aalisarfia nunaqarfiup eqqaa nalunnginnamiuk orneqattaartariaqarpaa siumut utimullu 120 km. Uangalu suliffigilikkanni frikulasinnaasarluta,tamannalu aningaasaqarnikkut akisunaarujussuaqqavarput. Meerannguagut tigorusoqaagut uagut perorsagassagut asasagut susoqarpanuna aatsaat tiguniarigut? Ikeq annertooq pivoq annernaqaarlu ilagiinnarusulluta qiasunnguit kinguneqartinneqassanatillu. Ikiorneqarusoqaagut tigunissaanut,ikeq annertoreerpoq tarnitsigut meeqqallu taama perusunngisagut aamma ikilerneqarlutik tarnerisigut. TIGORUSUPPAGUT IKIORNEQARLUARUSUPPUGUT TIGUNISSAANUT. Naak ikiuisinnaasut tamakkununnga illikartitsiinikunut tigorusoqaagut.

Qujanaq/ Angajoqqaat nunaqarfimmiut

Ane-Marie & Nukappiannguaq Platou.