Anaanapalaajusimanera…

Illustrationsfoto

Kinaanera isertuullugu anaanapalaajusimanera ullumikkut takusinnaalersimasara maana nassuerutigerusullugu allalaarusuppunga saqqummiunneqarsinnaappat qujanaq.

Ullumikkut 39-vinik ukioqarpunga inersimasunngortunut anaanaallunga. Imak aallartippoq. 16-ninik ukioqarlunga naartulerpunga aaparisannik, isumaqatigiippugullu anaanaga pingatsiullugu naartora atatiinnassallugu, inuusoqigama oqaaqqissaarneqarnangalu angajoqqaatut inuuneq qanoq artornartigisoq eqqarsaatiginngisaannarsimavara ukiukikkaluaqalunga meerartaarpunga 17-ninik ukioqarlunga.

Se og forudbestil den nye iPhone her – iPhone 8 & iPhone 8 Plus kan leveres NU!

Kisima perorsaaneruvunga aappara angalajuaannarmat. Meerannguara inooreersoq ikinngutikka usorisalerpakka aporfissaqaratik nuannattut festerlutik ikiarrullutillu nuannattut, uangali paarsisussaqanngilanga. Ikinngutikka aalakkullutik nuannattut usorineruleqqavakka paninnguara mikisoq eqiaginerulerlugu, piviusuunngitsumik nuannattut nuannaartorinerugakkit. Aappara meeraqarfiga tikikkaagami imertarpoq, ikiorneq ajorpaanga paarsisussarsioqatigalunga anisarpoq qimaannarluta uanga paarsisussarsiguma malinnikkumaarama, aatsaat iluamik annerisalerpara meerartaajaarsimagama paarinissaqanngitsumik, inuit aalakkuttut ilaginerorusuinnarlugit. Taamaallunga ataataasoq ataatagalu kilisaammik tikinnikut aasit imilerput, uangalu imilersinnaanngilanga suli paarsisussannik nassaannginnama, aniapput. Nukara isersiisariaqarpara ilakka nuannattut ornissagukkit. Taamanikkut 1998-simi pisimasuuvoq unnuk taanna, meeqqakkalu marlunngoreernikuupput, paniga aqqaluartaarnikuummat. Paniga nukkama paariniassammagu nukkama siniffianut innartippara. Sulilu aninngitsunga anianikut ilaat isaalerput tamarmik taamak aalakkutsigilereersimallutik, sulilu uanga anerusuppunga aapparami tikinnikuulluni illoqarfimmiimmat. Aninangalu timera iluaalliulerpoq annilaangarsuaarlunga toqqisisimajunnaarlunga, sunaaffami aqqalussama aalakoorluni ikiaroorlunilu silaqarani panimma sanianut innarsimasoq naammattoornialerakku. Imaasiinnarlunga aalakuunngitsumik isersimaqateqannginnama saaffissaqanngilanga, aapparalu naluara sumiittoq, eqqarsaraluarama aqqaluara toqunniarlugu fjernsynersuarmik anaassallugu aaliagerpunga meeqqakka pingaarnerusut paarsisussaarutissanngippata toqunnagu politiinut tunniutiinnartariaqarlugu taamaaliorpungalu aaneqarporlu unnuisitaallunilu politeeqarfimmi. Aqaguani suli sininngilanga, politiinit sianerfigineqarpunga anisileraat politiit, anaanagalu aperaara qanoq iliussanerluta ? Sulimi angajoqqaanniikkatta. Anaanamalu akivaanga aqqaluara anisiinnarsinnaanagu, uangalu meeqqakka illersussagukkit anaanakkunniit aniinnartariaqassallunga. Aniinnarpunga meerannguakka marluk tasiorlugit sumunnarfissaqarnanga, aapparalu meeqqama ataataat suli angerlanngilaq naluaralu sumiinnersoq ujariarfissaqartinnagulu. Politiinut ikioqquvunga sumunnarsinnaanerlunga, ikiorpaanngalu arnat qimarnguiviannukaallunga, iserfippullu ulikkaaqqavoq innarfissaqarataluunniit. Naammita meeqqama ataataa ? Aliasoqaanga saaffissaleqalunga, aatsaallu ullut pingajuanni meeqqama ataataat angerlarsimagaluarluni sianerpoq sumiinnersunga ujarlunga. Ataasinngorninngormat kommunimukarpunga ikiortissarsiorlunga, meeqqakkami taamaattumut angerlarteqqikkusunngilakka.

Har du svært ved at blive hørt?

Tassanngaanniillu sumut tamaanga nuttalerpunga meetannguakka ilagalugit, ukiup affaa utaqqivunga kommunimut saaffiginninniit ikioqqunera pillugu, saaffigisannguamalu puujorsimanngilaanga tamaviaarluni ikiorusullunga. Pisinniarfiliarnikuullunga angerlartunga kommuni ataaqqullugu ingerlasunga saaffiginikuusama takuletsimallunga arpalluni silamut malikkaanga tupannikuuvunga oqarfigalungalu initaartunga, sunaana taamak tusagaq nuannertigisoq. Sunaaffa ilaqutariit illuannut pilerluta, aamma ajorinngilara meqqakkami pillugit ikioqqugama, peqqussutigineqartut tamaasa akueraakka imminullu suliarilerlunga. Anaanatut perorsaanera kommuunip isaanit akuerineqarmat inissannik tunineqarpunga, kisimali suliarinikuuvunga meeqqama ataataa suliariumanngitsoq. Initaarpunga aappara ikiaroorajuttuuvoq, initaarlungalu ikiaroorajuttunngoqatigivara suliarisimanera puujortuusiinnarluhu inuuleqqillunga. Atornerluisut inuit ornigineruleqqippakka meeqqakka eqiagisaleqqillugit pikkunaagilerlugit atornerluisut nuannarinerulerlugit. Anguniarsimasara angusaraluaralu pikkunaannerusuuseqqilerpoq atornerluisunngorama ikiaroornartumut, aapparma aleqaa aappaalu innisimasoryaaraagut ikiaroorajuttuuppullu. Aatsaat iluamik sukasalerpunga ikiaroornermut, nuannernerusuusilerput meeqqanniit, meeqqakka eqiagilerpakka ikiaroorajoqatikka nuannarinerulerlugit. Eqqarsaatiginerluunniit ajorpara meeqqakka aliasullutik qiallutik tusaaqqusut tusarnaassaarakkit, eqianarsipput nuannernerulerput ikiarruttut ilaginissaai, isumaqarama pilluarnarnerusoq inuit atornerluisut ilagalugit kiserliornannginnerusorileqqagakkit, aappaqaraluarpungami perorsaaqatinnik, atornerluisuugamili uaguttaaq kingullinngoqqavugut, usorisarparalu imaaliinnarluni tarfisinnaasarmat aporfissalersorani… nangikkumaarpara allannissara killeqarmat.

Aporfissalersoranimiit nanginnera. Qanorsuaq pisinnaammat. Nuannariunnaarpakka meeqqakka, kamaattalerpakka sunissara killeqartuaannarmat, ikiaroorniaruma imerniaruma aporfigiuaannalerakkit.

Nangikkumaarpara..

/ Dårlig mor