??#valg2018gl – Jane P. Lantz: Nunanut allanut politikki inuussutissarsiutitsinnik aallaavilik ersarissoq pisariaqarpoq✖️Vi har behov for en klar erhvervsorienteret udenrigspolitik #glpol #IQ2018

Jane P. Lantz Kandidat for Inuit Ataqatigiit

????Nunanut allanut politikki inuussutissarsiutitsinnik aallaavilik ersarissoq pisariaqarpoq

Inuussutissarsiorneq ingerlalluartillugu inuiaqatigiit aamma ingerlalluartarput. Taamaattumik inuiaqatigiinni tamani inuussutissarsiorneq inuussutissarsiornikkullu periarfissat qitiupput. Siunissami atugarissaarnikkut periarfissaasut pigiinnassagutsigit taava politikkikkut annertusisamik inuussutissarsiornermik aallaaveqartumik nunanut allanut politikkeqartariaqarpugut. Nunarput avammut tunisassiornermi aalisarnikkut aningaasanik isaatitsivoq. Taannaavoq annerusumik tassatuaasoq tunisassiornitsigut aningaasatigut nappatigisarput, ataasiinnaanerusumillu tunisassiornerput peqqutaalluni inuiaqatigiittut aningaasarsiornerput sunnertiavoq. Naammanngilarmi Inatsisartuni nunanut allanut tunngasunik nassuiaat kingumoortumik oqallisigiuassallutigu, eqeersimaarluta nunatta siunissaa pillugu anguniagaqartariaqarpugut.

Nunanut allanut politikkerput ineriartornermut atugarissaarnissamullu aqqutissiuussissaaq

Nunatta avammut tunisassiornera annertusassavarput. Nerisassat, atisat sullissinerillu assigiinngitsunik aallaaveqartut nunatsinnit ineriartitortinneqarsimasut nunarsuarmi annertuumik soqutigineqarput. Politikkikkut namminersorlutik suliffiuteqartut inoqarfinnilu suliffissanik pilersitsisuusut aningaasanillu inuiaqatigiinni kaaviaartitseqataasut pitsaasunik inatsisitigut atugassittariaqarpagut. Inatsisitigut eqartumik namminersortunut nutaaliorniartunullu aaqqissuussisimanerput peerlugu iluatsitsiffiusumik aallartisarsinnaanerat suliarisigu. Namminersorlutik suliffiutillit iluatitsinerat inuiaqatigiinnut iluatitsineruvoq.

Savalimmiormiut aalisakkanik tukertitsiviliornikkut kapisilinnik tuniaanertik misilittagaqarfigaat. Nutaaliornissamik eqqarsassaagut aningaasaqarnikkut siuariartussaagut atugarissaarnermut akissaqarumalluta. Aningaasaqarnikkut siuariartorneq inuiaqatigiinni pisariaqartilluinnagarput tassaavoq aningaasaqarnikkut imminut napatissinaanermut aqqut.

Nunanut allanut politikkerput aqqutigalugu nukittuumik avammut tunisassiorneq nunattalu aningaasaliiffigineqarnissaanut kajuminnassuserput nittarsaattariaqarparput. Tamanna piviusunngortinneqassaaq kommunit inuussutissarsiornermillu inuussutissarsiuteqartut peqatigalugit. Taamaattumik Inuit Ataqatigiit inuussutissarsiornermik aallavilimmik nunanut allanut politikkeqarneq pilersissavarput, ilutigitillugulu aamma issittumi politikkimik nunatsinnut iluaqutaasussamik periusissiussalluta. Periusissiornikkut qulakkiissavarput nunatsinni naleqartitagut aallaavigalugit nunanut allanut politikkimik ingerlatsineq.

Patajaassuseq niuernikkullu ersarissumik politikkeqarneq inuussutissarsiortunut iluaqutaassaaq

Nunatta niuerutaanik tunisassiaanillu pisiumasoqassappat paasisimasariaqarparput politikkikkut patajaassuseq inatsisinillu allanngoranngitsut piusariaqarmata. Taamaattumillu qinigaaffik ataaseq kisiat atuuttussaanngitsumik inuussutissarsiutinut politikkimik nittarsaassinermullu politikkeqartariaqarpugut. Inuit Ataqatigiit partiit taamaasa suleqatigalugit ataatsimoorussamik inuussutissarsiutitigut siunissamut ungasinnerusumut nunatsinnut iluaqutaasussamik politikkeqarnissamut isumaqatiginniassalluta piareersimavugut. Nukittuumik nunanut allanut politikkeqarnikkut aningaasaqarnikkut imminut napatilernissarput aqqutissiuussinnaavarput.

Jane P. Lantz

Inuit Ataqatigiit sinnerlugit qinigassanngortittoq

Artiklen fortsættes længere nede på siden




Vi har behov for en klar erhvervsorienteret udenrigspolitik

Når det går godt for erhvervslivet, så går det også godt for samfundet. Derfor har erhvervet og erhvervsmuligheder en central rolle. Hvis vi skal skabe vækst til fremtidens velfærd, så har vi behov for øget politisk fokus på erhvervsorienteret udenrigspolitik. Vores lands største eksport kommer utvetydigt fra fiskeriet. Det er stort set alene om vores eksport og bærer vores økonomi, og dette gør vores samfundsøkonomi sårbar. For det er ikke nok at kigge tilbage og debattere udenrigspolitisk redegørelser hos Inatsisartut, vores opgave er at være proaktive til gavn for landets fremtid.

Udenrigspolitik skal skabe vækst til velfærd

Vi skal øge eksport af grønlandske produkter. Madvarer, tøj og services, som er produceret og udviklet i vores land har stor interesse i resten af verden. Politisk skal vi skabe de rette rammer for at iværksættere kan skabe lokale jobs, genere skattekroner og bidrage til vores samfundsøkonomi. Vi skal fjerne rigide regler for selvstændige og iværksættere, så vi ikke står i vejen for deres succes. Deres succes er også samfundets succes.

Færøerne har gode erfaringer med salg af laks, som er opdrættet. Vi skal tænke innovativt og i nye baner for at skabe vækst til velfærd. En øget økonomisk vækst hen imod en selvbærende økonomi er nødvendigt for vores samfund.

Kandidat for Inuit Ataqatigiit, Jane P. Lantz peger på følgende løsningsforslag, ” Vi skal føre en progressiv udenrigspolitik med fokus på at styrke eksport- og investeringsfremme i vores land. Den skal vi skabe sammen med kommunerne og erhvervsaktører. Derfor vil Inuit Ataqatigiit skabe et erhvervsorienteret udenrigspolitik samt en arktisk strategi til gavn for Grønland.  En strategi der sikrer at alle forstår at vi fører udenrigspolitik ud fra vores samfundsværdier. ”

Stabilitet og klar markedspolitik vil gavne erhvervet

Vi skal være klar over at der kræves politisk stabilitet og simple vedvarige love hvis vi ønsker efterspørgsel på vores marked og produkter, derfor kræves der en erhvervspolitik og markedsføringspolitik, der skal gælde i mere end valgperiode. På tværs af partierne vil vi være villige til at forhandle en samlet erhvervspolitik, som er langsigtet og strategisk. En stærk udenrigspolitik kan være med til at skabe en selvbærende økonomi.

Jane P. Lantz
Kandidat for Inuit Ataqatigiit