??#valg2018gl – Aqqalu Jerimiassen: Tunu immikkut kommuninngortariaqarpoq #glpol #IQ2018

Aqqalu Jerimiassen, Atassut

??Sineriassuarput nukittoqutigaarput,

Taamaakkaluartorli unammilligassartaqartaqaaq tamannartaa. Sumiiffimmiik sumiiffimmut inooriaatsitta assigiinngiiaarnera ersarittarmat.

Kommuneqarfik Sermersooq piulermalli tunumiortatta nilliaateqartarnerat ersarippoq. Namminerlu uanga Qaasuitsup kommuniani najugaqartuunikuullunga ilisimalluarpara qanoq kipiluttunartiginersoq innuttaasuulluni tusaaneqaranili.

Tunumiortagut nunaqqatigaagut, kitaaniilli aqunneqarnerup katataagaluttuinnarnermik nassataqalersissimagai tusarliunneqarneruleraluttuinnarpoq ukiuni kingullerni arlalialunngulersuni. Tamannalu tusaanngitsuusaaginnarneqassappat tupinnartuussooq aammattaarlu tamat oqartussaaqataanerannik sumiginnaanerussalluni.

Inuiaasugut ataasiusutut immitsinnut isigiuarnerput pigiinnassagutsigu pingaartuuvoq katataqarani ingerlaniarnissaq. Aap, sineriapput angeqaaq unammillernartoqaqaarlu, tamattali sutigut tamatigut atungaraarput piniarnikkut aalisarnikkullu, tassuunakkullu ataasiusserput pilersittarparputtaaq. Politikkikkulli ingerlatsinermi pissusissamisoorsorinanngilaq illoqarfittut sunniuteqarsinnaassusaat ineriartorsinnaassusaallu appasinnerpaamut inissinneqartassappat.

Tamannalu pilugu Tunu immikkut kommuninngortariaqarnera oqariartuutigerusullugu.

Inussiarnersumik inuulluaqqusillunga

Atassut Avannaa sinnerlugu inatsisartunut qiningassanngortittoq

Aqqalu Jerimiassen