🇬🇱🇨🇳Kinap Danmarkimi aallartitaa paasisassarsiorluni nunatsinniittoq

Formand Kim & Deng Ying📷Naalakkersuisut

support banner

🇩🇰Kinas ambassadør i Danmark på orienteringsrejse i Grønland

🇬🇱Kinamiut aallartitaata Deng Ying-ip nunatsinni tikeraarnerani nunani allamiut Københavnimi aallartitaannik nunatsinnut tikeraartoqartillugu nalinginnaasumik periaaserineqartartut malinneqarput, soorluttaaq aamma Kinamiut siusinnerusukkut aallartitarisartagaat allat tikeraarnerangata periaatsit tamakku malinneqartarsimasut. Imaappoq aallartitaqarnikkut sinniisup nunatsinni pissutsinik namminneerluni takusaqartinnissaa siunertaavoq.

Kinamiut aallartitaata nunatsinnut tikeraarneranut atatillugu aallartitaqarfik kinamiut filmiliaannik Katuaq Namminersorlutillu Oqartussat suleqatigalugit takutitsisaqattaarpoq.

Kinamiut filmiliaannik takutitsisaqattaarneq Nuummi ulluni aggustip 7-ani aamma 8-ni ingerlanneqarpoq, Sisimiuni 9. august ingerlanneqassaaq, taavalu aamma Ilulissani aggustip 11-ani ingerlanneqassalluni.

Aallartitap nunatsinniinnermini pinngortitamiinnermik misigitilaarniarlugu pilersaarutillu saniatigut allamut saatsilaarniarlugu Naalakkersuisut Siulittaasuata Nuup Kangerluani Qooqqunut angalaaqatigaa.

aamaattumik angalaarnermi tassani ataatsimiittoqanngilaq; taamaattorli Kinamik niueqateqarnerup annerusarnissaa siunertaralugu 2017-imi ukiakkut Naalakkersuisut Kina-mut angalanerat sioqqullugu piareersartoqarnerani aallartitaqarfiup suleqataalluarsimanera pillugu Naalakkersuisut Siulittaasuat qujassuteqarpoq. Tamatuma saniatigut Naalakkersuisut Siulittaasuat mittarfiliariniarneqartut pillugit pilersaarutit killiffii pillugit Kinamiut aallartitaannit aperineqarami ilisimatitsissutigaa Naalakkersuisut siunnersuutaat piffissami matumani Inatsisartut Aningaasaqarnermut Akileraartarnermullu Ataatsimiititaliaannit suliarineqartoq.

🇩🇰Den kinesiske ambassadør Deng Ying`s besøg følger det sædvanlige koncept for de ambassadørbesøg i Grønland, der er fra de udenlandske ambassader i København, og som har været gældende ved tidligere ambassadørbesøg fra Kina. Dvs. en generel orienteringsrejse i Grønland, hvor de diplomatiske repræsentanter får et førstehånds kendskab til grønlandske forhold.

Den kinesiske ambassade har i forbindelse med besøget arrangeret Kinesisk Film Festival 2018 i Grønland. Filmfestivalen er arrangeret i samarbejde med Grønlands Selvstyre og Katuaq.

Kinesisk Film Festival 2018 finder sted i Nuuk den 7.-8. august, i Sisimiut den 9. august og i Ilulissat den 11. august.

I forbindelse med ambassadørens orienteringsrejse inviterede formanden for Naalakkersuisut ambassadøren på en sejltur til Qooqqut i Nuup Kangerlua, så ambassadøren kunne opleve den grønlandske natur og samtidig få et afbræk i det formelle program.

Der var derfor ikke mødevirksomhed og formelle drøftelser under turen; men formanden for Naalakkersuisut benyttede lejligheden til at takke for den kinesiske ambassades samarbejde i forberedelserne af Naalakkersuisuts handelsfremstød i Kina i efteråret 2017. Endvidere kunne formanden for Naalakkersuisut, efter spørgsmål fra ambassadøren, orientere om status i arbejdet med anlæggelse af nye lufthavne i Grønland, hvor Naalakkersuisuts forslag til anlægslov nu er under behandling i Inatsisartuts Finans- og Skatteudvalg.