🇺🇳Inuit – et fællesskab i udvikling

support banner

🇬🇱Aggustip qulingiluaat tassaavoq Naalagaaffiit Peqatigiit nunat inoqqaavinut ullorititaat.  Ulloq manna ukiuni qulikkaani kingullerni ataatsimoorussamik pisinnaatitaaffitsinnut ilungersorluta sorsussimanerput nalliussitigu.  Ullormili matumani aamma pisinnaatitaaffiit taakkua minnerunngitsumillu pisinnaatitaaffeqarnerup inuiaqatitsinni pisussaaffinnik malitseqarnera eqqarsaatigisigit.

Naggueqatigiit Inuit siuttuisa nunarsuarmi nunat inoqqaavisa akuerineqarnissaat annertuumik suliaqarnermikkut ilungersuutigilluarsimavaat assinganillu tunngaviusumik inuit pisinnaatitaaffii, arnat pisinnaatitaaffii, meeqqat, inuusuttut inersimasullu pisinnaatitaaffii pillugit tamatta sinnerluta Inuit Issittormiut Siunnersuisoqatigiivi (ICC) aqqutigalugit qimoqataasimallutik.

ICC-p Utqiagvimmi aasaq manna ataatsimeersuarnerani issittumi Inuit najugaqartugut nunat killeqarfii akimorlugit ataatsimoornitta qanoq pingaaruteqartiginera naqissuseqqinneqarpoq. Naalagaaffiit killingi qaangerlugit oqaatsivut, kulturi pisuussutinillu atuinitsigut avitseqatigiinnerput ataatsimoorfigaavut. Ataatsimoorussineq tamanna eriagissavarput minnerunngitsumillu peqataaffigissavarput.

Inuiattut akuerineqarnissamut ilungersornerput aammalu ataatsimoorussamik pisinnaatitaaffitta akuerineqarnissaannut sorsunnerput inuttut ataasiakkaatut pisinnaatitaaffitsinnut attuumassuteqarput. Minnerunngitsumik anguniagaqarneq tamanna pisinnaatitaaffitta akuerisaasut inuiaqatigiinni tangilimmik atuutsinnissaannik pisussaaffiliivoq.

ICC-p ataatsimeersuarnerani naggueqatigiit Inuit akornanni unammilligassat assigiiaarmata ersersinneqarpoq. Meeqqanik kinguaassiutitigut atornerluineq, peqqissutsikkut unammillernartut, angerlarsimaffeqannginneq minnerunngitsumillu nunagisatsinnit nunanut allanut nutsernerup akiornissaanut unammilligassaqarneq annertuvoq.

Taamaattumik piffissanngorpoq inuit pisinnaatitaaffii ukiuni qulikkaani kingullerni sorsuutigisimasatta nunagisatsinnut angerlaallugit inuiaqatigiinni atuuttussatut sulissutiginissaat.  Meeqqat pisinnaatitaaffii, arnat pisinnaatitaaffii, kinaassuseqarnissamut kiffaanngissuseqarneq oqaatsinullu pisinnaatitaaffiit, taakku tamarmik Naalagaaffiit Peqatigiit nunat inoqqaavisa pisinnaatitaaffii pillugit nalunaarutaanni aalajangersarneqarsimapput.

Matumani Inuit akornanni avitseqatigiinnikkut pisinnaatitaaffiillu atuutsinnissaannut alloriaqqinnissamut periarfissagissaarpugut. Inuit Ataqatigiit kaammattuutigaarput issittumi Inuit nunaanni suleqatigiinnerup sutigut tamatigut annertusarneqassasoq. Nukinnik aallerfissaqarpugut ilisimasanillu avitseqatissaqarluta.

Suliniut Pikialasorsuaq kalaallit canadamiullu akornanni suleqatigiiffiusoq assersuutissaqqissuuvoq. Pisuussutinik imarpitsigullu ataatsimoorussaqarnerput paatsoorneqarsinnaanngilaq. Matumani periarfissatsialaavoq naggueqatigiit Inuit aallaavigaluta naalagaaffiit akimorlugit ataatsimoorussamik aqutseqatigiilersinnaanerput. Taamaattumik Naalakkersuisut Pikialasorsuaq pillugu suliamik aallussineroqqullugit sakkortuumik kaammattorumavagut, Kalaallillu Nunaat sinnerlugu suliamut Pikialarsorsuaq-mut tamakkiisumik taperseeqqullugit.

Manna iluatsillu ICC-p siulittaasuatut ivertinneqartoq Dalee Sambo Dorough siulittaasunngorneranut pilluaqqorusupparput. Toqqissisimavugut Dr. Dorough ukiuni sisamani tulliuttuni sinnerluta peqatigalutalu sulisussanngormat.

Sara Olsvig

Siulittaasoq, Inuit Ataqatigiit

🇩🇰Den 9. august er FN’s internationale dag for oprindelige folk. Lad os bruge dagen til at fejre de seneste mange årtiers hårde kamp for vores fælles rettigheder. Men lad os også reflektere over disse rettigheder og ikke mindst de pligter der følger med rettighederne i vores egne samfund.

Inuitledere har kæmpet en fantastisk kamp ude i verden for anerkendelsen af oprindelige folk og for fundamentale menneskerettigheder for kvinder, børn, unge og voksne. Inuit Circumpolar Council har stået i spidsen af denne kamp, på vegne af os alle sammen.

Ved ICC’s generalforsamling i Utqiagvik, Alaska, denne sommer blev det endnu engang slået fast, hvor vigtigt et fællesskab vi har blandt Inuit og på tværs af Arktis. Vi har et fællesskab, som går ud over statsgrænser, hvor sprog, kulturer og brugen af ressourcer deles på kryds og på tværs. Det skal vi værne om, og ikke mindst deltage i.

Vores kamp for anerkendelse som folk og som kollektiv hænger tæt sammen med anerkendelsen af individuelle rettigheder. Ikke mindst forpligter denne kamp os til, at gøre det endnu bedre i vores egne samfund i forhold til at efterleve rettighederne.

Ved ICC generalforsamlingen blev det tydeliggjort, at mange af de udfordringer vi har går igen i andre inuitsamfund. Overgreb mod børn og bekæmpelsen af disse, sundhedsudfordringer, hjemløshed og ikke mindst fraflytningen fra vores lande.

Derfor er det tid til, at de menneskerettigheder vi i årtier har kæmpet for, bringes hjem og anvendes i vores samfund. Børns rettigheder, kvinders rettigheder, retten til sprog og selvidentifikation. Alt sammen er rettigheder som også er stadfæstet gennem FN’s deklaration om oprindelige folks rettigheder.

Vi har en gylden mulighed blandt Inuit for at tage de næste skridt, og bruge hinanden, også i anvendelsen af rettighederne. Vi opfordrer derfor fra Inuit Ataqatigiit til, at vi udvider vores samarbejde på tværs af Arktis med andre Inuit, på alle måder. Der er kræfter at hente, og viden at dele.

Et eksempel er det store fælles grønlandske og canadiske projekt Pikialasorsuaq. Fællesskabet omkring vores ressourcer og havområdet mellem Grønland og Canada er ikke til at tage fejl af.  Vi har en enestående mulighed for, på tværs af statsgrænser at skabe et fælles forvaltningsområde som forvaltes på Inuits præmisser. Vi opfordrer stærkt Naalakkersuisut til at være mere aktive i denne proces, og til at give deres fulde støtte på vegne af Grønland, til Pikialasorsuaq arbejdet.

Samtidig ønsker vi ICC’s nye internationale formand Dalee Sambo Dorough tillykke med valget til formand. Vi er trygge ved, at Dr. Dorough kommer til at kæmpe videre for og med os alle sammen i de næste fire år.

Sara Olsvig

Formand, Inuit Ataqatigiit