Inuit Ataqatigiit Peqqissutsimut, Isumaginninnermut Inatsisinillu Atuutsitsinermut Naalakkersuisoq tatigiunnaarparput

🇩🇰Inuit Ataqatigiit har mistet tilliden til Naalakkersuisoq for Sundhed, Sociale Anliggender og Justitsvæsen Scroll ned for dansk 

🇬🇱Naalakkersuisup akiliutissamik kortimik tatigineqarluni atugassinneqarsimanermini mianersuaalliorluinnarsimanera Naalakkersuisutut atuunnissaanut naleqqukkunnaarsitsivoq.

Inatsisartut innuttaasullu Peqqissutsimut, Isumaginninnermut Inatsisinillu atuutsitsinermut Naalakkersuisup atorfimminut atatillugu korti biilit benzinamik orsernissaannuinnaq akiliissutaasartussap 2017-imi qaammatini arlalinni atornerlunneqarsimanera paasivaat. Kukkunersiuisut Naalagaaffimmit akuerisaasut Deloitte naapertorlugit atornerluineq Namminersorlutik Oqartussat aallaffeqarfiannit paasineqarpoq, taakkulu suliamut qisuariaateqarsimallutik. Kukkunersiuisup Naalagaaffimmit akuerisaasup bilagit misissorpai, maannamullu annertuumik atornerluisoqartoq inerniliivoq, taamatullu aamma aningaasat 6.855,45 kr-inik annertussuseqartut naalakkersuisoqarfiup sulisuisa naatsorsugaat utertillugit akilerneqarsimasut paasivaa.

Akiliutip sumut atorneqartussaanera paatsuugassaanngilaq

Ilanngullugu biiliunngitsunut kiisalu illoqarfimmi biilip sumiiffigisaanit allaanerusumi korti atorlugu orsiisoqartartoq ilanngullugu paasineqarpoq. Inuit Ataqatigiinnit ersarissumik oqaatigiumavarput Naalakkersuisutut ivertinneqarnikkut tamarmik paasitinneqartarnermikkut nalunngilluinnaqqissaartarmassuk kortimik tunineqarsimatillutik biilip orsussernissaanuinnaq atorneqartussaasut taavalu kortit pineqartut isumannaatsumik inissisimanissaat isumannaarsimassallugu, taamatullu kortimik tigummialik innuttaasunit Inatsisartuniillu tatigineqaqqissaarluni tigummiartitaasoqartarmat ersarissaatigissavarputtaaq.

Inuiaqatigiit aningaasaataannik paarsinerlunneq suusupaginninnerlu

Suliami matumani tatiginninneq innarlerneqartoq Inuit Ataqatigiit isumaqarput. Naalakkersuisut mianersuaalliornerata inuiaqatigiit aningaasaataanik paarsinerluttoqartoq takutippaa, tamannalu akuersaarsinnaanngilluinnarparput. Naalakkersuisunut ilaasortap akiliutissamik kortimik tatigineqarluni atugassinneqarsimanermini mianersuaalliorluinnarsimanera Naalakkersuisutut atuunnissaanut naleqqukkunnaarsitsivoq. Peqatigisaanik Naalakkersuisunut ilaasortap allanik pisuutitsiniarsinnaangitsoq isumaqarpugut, ingammik kortip pineqartup erseqqilluinnartumik siunertamut ataasiinnarmut, tassalu Naalakkersuisunut ilaasortap biiliata orsernissaanik siunertaqarluni atugassiaanera eqqarsaatigalugu.

Tamanna tunngavigalugu Inuit Ataqatigiit Peqqissutsimut, Isumaginninnermut Inatsisinillu Atuutsitsinermut Naalakkersuisumut tatiginnikkunnaarnermik taasititsissalluta matumuuna nalunaarutigaarput, paasinarsimmat Naalakkersuisut Siulittaasuata pisussaaffini malillugu suliaq naammassisinnaanngikkaa.

Sara Olsvig & Aqqaluaq B. Egede

Siulittaasoq & Siulittaasup tullia

Inuit Ataqatigiit

Politisk analyse: Politianmeldelse og mistillid

🇩🇰Naalakkersuisoqs uforsvarlige omgang med et betroet betalingskort er uforeneligt med varetagelsen af hvervet som Naalakkersuisoq.

Det er blevet Inatsisartut og offentligheden bekendt, at Naalakkersuisoq for Sundhed, Sociale Anliggender og Justitsvæsens betalingskort til køb af benzin til dennes tjenestebil er misbrugt gennem en række måneder i 2017. Misbruget er ifølge statsautoriseret revisor Deloitte konstateret af Selvstyrets administration, som derfor har handlet på sagen. Den statsautoriserede revisor har gennemgået bilag og er indtil videre nået frem til et omfangsrigt misbrug og konstaterer, at et beløb på 6.855,45 udregnet af det pågældende departements medarbejdere er betalt tilbage.

Ingen tvivl om, hvad kortet må bruges til

Det konstateres endvidere, at forbruget handler om optankning af andet end en bil samt optankning i en anden by end den by bilen befinder sig i. Det er Inuit Ataqatigiits klare opfattelse, at det for enhver Naalakkersuisoq er fuldstændig klart, at et benzinkort møntet på optankning af tjenestebil skal opbevares forsvarligt og kun benyttes af den pågældende Naalakkersuisoq som er betroet kortet, og i øvrigt besidder et betroet hverv som kræver fuld tillid fra befolkningen og Inatsisartut.

Sløsen med samfundets midler

Med denne sag mener Inuit Ataqatigiit at denne tillid er brudt. Naalakkersuisoqs uforsigtighed afslører en sløsen med samfundets midler, som vi under ingen omstændigheder accepterer. Vi finder, at Naalakkersuisoqs uforsvarlige omgang med et betroet betalingskort er uforeneligt med varetagelsen af hvervet som Naalakkersuisoq. Vi er samtidig af den klare opfattelse, at Naalakkersuisoq ikke kan skyde skylden på andre, især da det kort det handler om er et kort udleveret til ét klart formål, nemlig at optanke ministerbilen.

Vi agter derfor fra Inuit Ataqatigiit at fremsætte et mistillidsvotum mod Naalakkersuisoq for Sundhed, Sociale Anliggender og Justitsvæsen, da det står klart, at Formanden for Naalakkersuisut ikke har tænkt sig at handle på sagen.

Sara Olsvig & Aqqaluaq B. Egede

Formand & Næstformand

Inuit Ataqatigiit

Hvad mener du om Lufthavnene? Du har op til 6 svarmuligheder

View Results

Indlæser ... Indlæser ...

Kalaallit Nunaat namminersornissaa kissaatigaajuk? - Ønsker du at Grønland skal være selvstændig?

View Results

Indlæser ... Indlæser ...