Illuatingiliuttut pakatsissutiginagit nammineq iliuuserisat pakatsissutigineqartariaqaraluarput

Sara Olsvig Siulittaasoq, Inuit Ataqatigiit

🇩🇰Skuffelsen bør være over egne valg, ikke over oppositionen  Scroll ned for dansk 

🇬🇱Benzinasiutissaq pillugu suliap takutippaa partiit marluusugut, tassalu Inuit Ataqatigiit taavalu Siumut aqutseriaatsikkut pingaartitatta qanoq assigiinngitsiginerat.

Naalakkeersuisut siulittaasuata Kim Kielsenip Naalakkersuisup tunuarnerata kingorna illuatungiliuttut qisuariaatigisaannut pakatsinerminik oqariartornermini ersarilluinnartumik naliliisinnaassutsimigullu qanoq inissisimini takutippaa, tamannalu ajusaarnaraluartumik Kim Kielsenip aqutseriaasianut ilisarnaatinngorsimasutut taasariaqarluni. Kim Kielsenip pakatsissutigisussaagaluarpaa politikerertaqarattaasit nammineq Nunattalu Karsiata aningaasaataannik immikkoortitsisinnanngitsumik.

Inuit Ataqatigiit suliap ingerlanerani orsussamik akiliutissamik atornerluisimanerup naliginnaasuunnginnera Naalakkersuisunullu tatiginnilluni akiliutissamik peqartitsinermut naapertuutinngitsoq ingerlaannaq takusinnaasimavarput.

Inuit Ataqatigiunngilaq suliaq sivitsorsarlugu sulisimasut aamma uaguunngilaq taamani Naalakkersooqatigiiusimasuni naammaginanngitsumik nipangersimasussaatitaanermillu meqqilersukkamik paasissutissiisimasut innuuttaasunut paasissutissiisinnaannginnermik kingunilimmik. Kim Kielsen-illiuna aalajagingaa soorlu aamma Kim Kielsenip aalajagingarigaa marloriarluni Doris J. Jensen Naalakkersuisunngortissallugu naak nalunngikkaluarlugu atornerluinermik suliamik Inatsisartut Kukkunersiuinermut Ataatsimiititaliaanit Nunatta Karsianut Naatsorsuutit 2017-moortut suliarineqalerpata oqaaseqateqartussanngulernerani tatiginnikkunnaarnermik taasititsisoqarsinnaaneranik kinguneqariaannaasumik sulisoqartoqariaannaasoq.

Inatsisartutut qinikkatullu paasissutissat §37 aqqutigalugu saqqummiunneqartut aallaavigalugit Deloittellu nalunaarutaata tusagassiorfitsigut saqqummerneratigut qisuariarnikkut suliassarput suliaraarput. Taamani Naalakkersuisuusimasunut paasissutissiissutigineqartut Deloittep nalunaarutaatut imartutiginngillat. Ilimagisimavarput suliaq taamatut imaqariaannaasoq kisianni Kukkunersiuinermut Ataatsimiititalip suliaat sakkortusisamik nipangersimasussaatitaanermik piumasaqaatitaqarmata imarisaanut tunngatillugu paasitinneqarsinnaasimanngilagut.
Deloittep nalunaarusiaat quppernernik sisamanik annertussusillip Inuit Ataqatigiit Doris J. Jensenip Naalakkersuisutut biilit orsernerannut akiliissutigisinnaasaanik korteqartitaanermini illersorneqarsinnaanngitsumik atuisoqartarsimaneranik paasissutissiinera naliliinitsinnut aallaaviulluinnarsimavoq. Taamaammat pingasunngornermi nalunaaruteqarpugut Naalakkersuisutut tatigisinnaajunnaaratsigu.

Kim Kielseni 2017-imili taamatut naliliisinnaasimagaluarpoq.

Naliisinnaassuseqarnermut piginnaassusikinneq innuttaasullu tatiginninnerannik ataqqinninnginneq pissutaaqataavoq Inuit Ataqatigiit Siumumik naalakkersuisooqateqaleqqikkusunngikkallarnitsinnut.

Illuatungiliuttut pakatsissutiginagit nammineq iliuutsini pakatsissutigissagaluarpai.

Maanna inernerilerpaa inuiaqatigiinni akisussaaffiit akisunerpaat annertunerpaallu Naalakkersuisut akunnerminni agguaateqqittussanngormatigit tamannaluaasit innuttaasut inuiaqatigiillu aningaasartuutissaat annertussaqaaq.

Tamanna naammaginanngilluinnarpoq.

Inuit Ataqatigiit uangalu suliamut matumunnga oqaaseqaqqinnissarput kissaatiginngilarput. Politikkikkut suliassatsinnut saaqqittariaqarpugut. Avaqqutaarinninnerit naammaleqaat. Nunatsinni suliassat unammillernartut aaqqiivigineqarnissaat saattariaqarpavut politikkikkut ajornartorsiutit nammineq pilersissimasat qimallugit.

Sara Olsvig
Siulittaasoq, Inuit Ataqatigiit

🇩🇰Benzinkortsagen viser med tydelighed forskellen på den regeringsledelse Inuit Ataqatigiit står for, og den Siumut står for.

At Formanden for Naalakkersuisut Kim Kielsen udtaler, at han er skuffet over oppositionen viser netop den mangel på dømmekraft som efterhånden kendetegner Kim Kielsen som leder. Kim Kielsen burde være mest skuffet over, at der endnu engang er en politiker som ikke kan kende forskel på sin egen pung og landskassen.

For Inuit Ataqatigiit har der i sagens løb på intet tidspunkt været tvivl om, at misbruget af benzinkortet var uden for det normale og uden for det, et kort betroet en Naalakkersuisoq er tiltænkt.

Det er ikke os i Inuit Ataqatigiit som har valgt at trække sagen i langdrag, eller har valgt at give det daværende Naalakkersuisut en ufuldstændig og fortroligtstemplet orientering, som ingen af os kunne gå videre med offentligt. Det var Kim Kielsens beslutning, ligesom det var Kim Kielsens beslutning ad to omgange at udpege Doris J. Jensen som Naalakkersuisoq, vel vidende at sagen, som naturligvis vil blive påtalt af Inatsisartuts Revisionsudvalg senest i forbindelse med behandlingen af Landskassens Regnskab for 2017, kunne koste hende posten.

Vi har som parlamentarikere gjort vores arbejde ved at reagere på de oplysninger som endelig blev offentliggjort gennem paragraf 37 spørgsmål og senest gennem pressens aktindsigt i Deloittes rapport om sagen. De detaljer som Deloittes rapport indeholder er ikke detaljer som det daværende Naalakkersuisut blev oplyst om. Vi har haft en fornemmelse af, at sagen kunne pege i den retning, men Revisionsudvalget har arbejdet under skærpet fortrolighed.

For Inuit Ataqatigiit har detaljerne i den fire sider lange Deloitte rapport været det afgørende i vores vurdering af, at Doris J. Jensens uforsvarlige omgang med et betroet betalingskort ikke er foreneligt med hvervet som Naalakkersuisoq. Derfor meddelte vi onsdag, at vi ikke længere har tillid til hende som Naalakkersuisoq.

En vurdering som Kim Kielsen kunne have gjort sig allerede tilbage i 2017.

Manglen på dømmekraft og på respekt for befolkningens tillid, er medvirkende til, at vi i Inuit Ataqatigiit ikke har ønsket at gå i koalition med Siumut.

I stedet for at være skuffet over oppositionen, burde skuffelsen være over egne valg.
Nu skal de samfundsmæssigt tungeste sagsområder i Naalakkersuisut endnu engang gennem rokademøllen, og endnu engang skal befolkningen og samfundet betale for det.

Det er bare ikke godt nok.

Inuit Ataqatigiit og jeg har ikke mere at sige om denne sag. Vi vil have fokus tilbage på politik. Slut med distraktioner og omveje. Nu skal vi i gang med at løse landets udfordringer og ikke selvskabt politisk fnidder.

Sara Olsvig
Formand, Inuit Ataqatigiit

Hvad mener du om Lufthavnene? Du har op til 6 svarmuligheder

View Results

Indlæser ... Indlæser ...

Kalaallit Nunaat namminersornissaa kissaatigaajuk? - Ønsker du at Grønland skal være selvstændig?

View Results

Indlæser ... Indlæser ...