🎄🎅🏽🇬🇱§ 37 – Sofia Geisler vedr sygefravær

🇩🇰↓🇬🇱Nunatsinni nappaassuup kræftip atugaanerata nunani avannarlerni annerunerpaajunera pillugu kisitsisit ukiap ingerlanerani saqqummiunneqarput. Kræftip atugaaleraluttuinnarnera tusartarparput, soorluttaaq inuusaatsip allanngornerata kingunerisaanik nappaatit allat, siornatigut inuiaat kalaallit atugarisimanngisaat  – uummallunnerit il.il. – atugaanerat annerusiartortoq.

Inuit nappaassuarnik eqqugaanertik pissutigalugu sivisoorsuarmik katsorsarneqartariaqartarnerat ajoraluartumik takornataajunnaarpoq, taakkulu ilaatigut illoqarfitsik qimallugu katsorsarneqartariaqarnertik pissutigalugu suliffimminnit piumassuserinngisaminnik piffissami sivisuumi sulinngikkallartariaqartarput.

Taamaammat paaserusuppara nunatsinni inuit qassit aalajangersakkat atuuttut patsisigalugit soraarsinneqartarnersut. Aamma paaserusuppara nappaammik eqqugaanermi ullut killissarititaasut sivitsorneqarnissaannik imaluunniit atorunnarsinneqarnissaannik Naalakkersuisut pilersaaruteqarnersut.

Inatsisartut Suleriaasianni § 37 imm. 1 naapertorlugu Naalakkersuisunut apeqqut imaattoq matumuuna saqqummiuppara.

Naalakkersuisunut apeqqut:

 

  • Namminersorlutik Oqartussat ataanni ukioq 2017 qaammatit aqqaneq marluk iluanni inuit qanoq amerlatigisut ullut 120-t sinnerlugit napparsimasimanertik pissutigalugu suliffimminnit soraarsitaappat?
  • Namminersorlutik Oqartussat pigisaanni ingerlatseqatigiiffinni ukioq 2017 qaammatit aqqaneq marluk iluanni inuit qanoq amerlatigisut ullut 120-t sinnerlugit napparsimasimanertik pissutigalugu suliffimminnit soraarsitaappat?
  • Kommunini ukioq 2017 qaammatit aqqaneq marluk iluanni inuit qanoq amerlatigisut ullut 120-t sinnerlugit napparsimasimanertik pissutigalugu suliffimminnit soraarsitaappat?
  • Qaammatit aqqaneq marluk iluanni ullut 120-inik napparsimasinnaanermut killissarititap sivitsornissaa Naalakkersuisut pilersaaruteqarfigaat?
  • Qaammatit aqqaneq marluk iluanni ulluni 120-inik napparsimasinnaanermut killissarititap atorunnaarsinnissaa Naalakkersuisut pilersaarutigaat?

 

(Inatsisartuni ilaasortaq Sofia Geisler, Inuit Ataqatigiit)

🇩🇰I løbet af efteråret offentliggøres tal, der viste, at der er flest forekomster af dødsfald på grund af kræft her i landet i forhold til det øvrige Norden. Tallene viser, at antallet af   kræftramte til stadighed øges, ligesom ændringer i blandt andet livsstil har medført andre former for sygdomme, der tidligere ikke sås blandt grønlændere.

Det er ikke længere et særsyn, at mennesker må under en længerevarende sygdomsbehandling som følge af alvorlig sygdom, og som desværre må forlade deres hjemsted for at modtage behandling, og dermed er tvunget væk fra deres arbejdspladser i længere perioder.

Det er på baggrund af dette, at jeg ønsker at få oplyst, hvor mange personer der afskediges som følge af 120 dages reglen når vi snakker om længerevarende og behandlingskrævende sygdom. Jeg ønsker ligeledes at få oplyst, om Naalakkersuisut har planer om at ændre 120 dages reglen til fordel for den sygdomsramte, eller om Naalakkersuisut har planer om at afskaffe reglen.

I henhold til § 37, stk. 1 i Forretningsordenen for Inatsisartut, fremsætter jeg følgende spørgsmål til Naalakkersuisut.

Spørgsmål til Naalakkersuisut:

 

  • Hvor mange personer er blevet afskediget i Grønlands Selvstyre og dets virksomheder i 2017 som følge af sygdom i mere end 120 dage indenfor 12 måneder?
  • Hvor mange personer er blevet afskediget i det offentligt ejede aktieselskaber i 2017 som følge af sygdom i mere end 120 dage indenfor 12 måneder?
  • Hvor mange personer er blevet afskediget i kommunerne i 2017 som følge af sygdom i mere end 120 dage indenfor 12 måneder?
  • Har Naalakkersuisut planer om at forlænge sygdomsperioden på 120 dage indenfor 12 måneder, så det ikke længere får konsekvenser for den sygdomsramte?
  • Har Naalakkersuisut planer om at afskaffe opsigelser på grund af en sygdomsperiode på over 120 dage indenfor 12 måneder, så det ikke længere får konsekvenser for den sygdomsramte?

 

(Medlem af Inatsisartut Sofia Geisler, Inuit Ataqatigiit)

Hvad mener du om Lufthavnene? Du har op til 6 svarmuligheder

View Results

Indlæser ... Indlæser ...

Kalaallit Nunaat namminersornissaa kissaatigaajuk? - Ønsker du at Grønland skal være selvstændig?

View Results

Indlæser ... Indlæser ...