🎄🎅🏽Persuttaasimasut katsorsarneratigut siunissami persuttaasarnissaat annikinnerulersissavaat

📷Naalakkersuisut

🇩🇰↓Behandling til voldsudøver mindsker risikoen for at de fremadrettet udøver vold                                        

🇬🇱Isumaginninnermut Aqutsisoqarfiup misiligutitut suliniut Alliaq nalilersorpaa. Alliap angutit arnallu qanigisaminnut kamattarnermik persuttaasarnermillu ajornartorsiuteqartut tarnit pissusaannik ilisimasallit suleqatigiinnit naleqquttumik katsorsarneqarnissaannut neqerooruteqarfigisarpai. Nalilersuinermi paasineqarpoq, katsorsarneqartut persuttaasarnerminnik taamaatitsinissaanut Alliaq iluaqutaasimasoq – tamanna angusaq inunnut pineqartunut ilaqutaannullu pingaaruteqarpoq. Angusaq persuttaasarnerup ingerlajuartarneranut unitsinnissaanut pingaaruteqarpoq, taamaaliornikkut meeqqat inersimasunngorpata persuttaasarnissaat annikinnerulersissavaat.

Alliaq november 2016-imi misiligutitut pilersinneqarpoq. Alliaq tassaavoq angutinut arnanullu 15-it sinnerlugit ukiulinnut qanigisaminnut persuttaasartunut persuttaasarnerminnillu taamaatitserusuttunut katsorsarneqarnissamut neqeroorut.

Isumaginninnermut Aqutsisoqarfiup Alliaq upernaaq 2018-imi nalilersorpaa. Nalilersuinermi paasineqarpoq, Alliaq angutinut arnanullu persuttaasartunut persuttaasarnerminnillu taamaatitserusuttunut ikiuinissamut iluaqutaalluartartoq. Taamaammat Alliaq Isumaginninnermut Aqutsisoqarfimmi neqeroorutaajuartussanngorlugu inissinneqarpoq.

Alliami katsorsarneqarsimasoq katsorsarneqarnermigut qanoq inuuneranut sunniuteqarsimatigisoq pillugu ima nassuiaavoq: ”Misigissutsikka noqissimavakka, noqissinnaajunnaaraangakkilli aqussinnaaneq ajorpakka. Kamaleraanga kamarujussuartarpunga. Ilaannikkullu arnaatiga tigusarpara annersillugulu (…) Siunissara siornamit kusanarneroqaaq. Taamatut kamattarnikkut pissutigalugit arnaatigalugu qimangajassimavugut. Kukkussutikka takusinnaasimanngilakka. Maanna katsorsartereernerma kingorna ersarilluinnarput. Arnaatiga tapersersorneqarsimavoq tamatumalu kingunerisaanik marluulluta nukittunerulersimavugut.”

Timikkut persuttaaneq tarnikkullu annersarneqarneq inersimasunuinnaq sunniuteqarneq ajorpoq, ilaqutariinnili meeqqanut sunniuteqangaatsiartarpoq. Alliami tarnip pissusaanik ilisimasalinnik ataqatigiissaarisartoq, Preben Svoldgaard Larsen oqarpoq, Alliami katsorsartut amerlanersaat persuttaaffiusumi peroriartorsimasut. ”Meeqqat ukiukillutik persuttaaffiusumi peroriartorsimagaangata persuttaaneq pissusiliuttarpaat, persuttaasartunngortarlutillu. Taamaammat Alliaq Kalaallit Nunaanni meeqqisarlutik ilaqutariinngortussanut pingaaruteqarpoq” Preben Svoldgaard Larsen erseqqissaavoq.

Alliap assersuutigalugu politiinik, Kalaallit Nunaanni pinerluttunik isumaginnittoqarfimmik Allorfimmillu Pinngitsuuisinnaajunnaarnermut Ilisimasaqarfimmik suleqateqarnerata pingaaruteqassusaa Alliap nalilersorneqarnerani ersarissarneqarportaaq. Suleqatigiinneq inunnut ilaqutariinnullu atugarliortunut tamakkiisumik isiginnittumik suliniuteqarneruvoq, pissutigalugu suliniutit assigiinngitsut ataqatigiissaarneqarnerulermata ataatsimoorussamillu eqqarsaatigineqarnerulerlutik. Nalilersuineq naapertorlugu suleqatigiinneq pitsanngorsarsinnaavoq annertusarneqarsinnaallunilu.

Alliaq inunnut ataasiakkaanut nalunaaquttap akunnerini arfineq pingasuni tarnip pissusaanik ilisimasalimmit katsorsarneqarnermik neqerooruteqarpoq, taassumalu saniatigut aapparisaq nalunaaquttap akunnerini marlunni katsorsarneqarsinnaavortaaq – aappariittut kisimiilluniluunniit oqaloqatigiinnernit. Alliaq tarnip pissusaanik ilisimasalinnik Nuummi, Sisimiuni Ilulissanilu sulisoqarpoq, kisianni katsorsaanermi oqaloqatiginninnerit nuna tamakkerlugu oqarasuaatikkut Skypekkullu neqeroorutigineqarput. Taamaammat Alliaq Kalallit Nunaannit tamanit katsorsarneqartussanik peqarpoq, Kujataani Narsamiit Avannaani Qaanaamut – Kitaani Nuummiit Tunumi Kulusummut, Tasiilamut aamma Ittoqqortoormiinut.

Alliap nalilersorneqarnera pillugu uani atuaruk.

Paasisaqarnerorusukkuit Isumaginninnermut Aqutsisoqarfimmi AC-fuldmægtigi, Majken Vith Tangkjær e-mail: mavt@nanoq.gl imaluunniit oqa. +299 346639 aqqutigalugu attavigiuk.

🇩🇰Socialstyrelsen har evalueret pilotprojektet Alliaq. I Alliaq tilbydes både mænd og kvinder med aggressions- og voldsproblemer i nære relationer at få kvalificeret behandling hos et team af psykologer. Resultaterne af evalueringen viser, at behandlingen i Alliaq bidrager til, at klienterne bryder med volden – et resultat der både er vigtig for det enkelte menneske og deres familier. Resultatet er også afgørende for at bryde med voldsspiralen, så risikoen for at børnene selv udviser voldelig adfærd i deres voksenliv mindskes.

Alliaq blev etableret i november 2016 som et pilotprojekt. Alliaq er et behandlingstilbud til mænd og kvinder over 15 år, der udøver vold i nære relationer, og som ønsker at stoppe den voldelige adfærd.

Socialstyrelsen har i foråret 2018 foretaget en evaluering af behandlingstilbuddet Alliaq. Evalueringen viser, at Alliaq bidrager positivt til at hjælpe mænd og kvinder, der udøver vold, og der er motiverede for at bryde med volden. Alliaq bliver derfor et permanent tilbud under Socialstyrelsen.

En tidligere klient i Alliaq beskriver, hvordan behandlingen i Alliaq havde betydning for hans liv: ”Jeg undertrykte mine følelser, og når de endelig kom frem, så kunne jeg ikke styre dem. Når jeg blev vred, så blev jeg helt afsindig vred. Og nogle gange tog jeg også fat i min kæreste og slog hende (…) Min fremtid ser meget lysere ud end for et år siden. Min kæreste og jeg har været ved at gå fra hinanden på grund af mine vredesudbrud. Jeg kunne ikke se mine fejl. Det kan jeg meget bedre nu efter at have været i terapi. Min kæreste har også fået støtte og det har betydet, at vi i dag er blevet stærkere sammen.”

Fysisk og psykisk vold påvirker ikke alene de voksne, men har også enorm indflydelse på børnene i familien. Psykologfaglig koordinator i Alliaq, Preben Svoldgaard Larsen, fortæller, at størstedelen af klienterne i Alliaq selv kommer fra et barndomshjem med vold. ”Børn der vokser op i et hjem med vold, bliver fra en tidlig alder bragt ind i en spiral af vold, der blandt andet betyder, at volden bliver en tillært adfærd, som barnet potentielt selv reproducerer. Derfor er Alliaq også afgørende for de kommende børnefamilier i Grønland”, pointerer Preben Svoldgaard Larsen.

🇩🇰Evalueringen af Alliaq fremhæver også vigtigheden af Alliaqs samarbejde med for eksempel politiet, kriminalforsorgen og Allorfik, Videncenter om Afhængighed. Et samarbejde, der understøtter en mere helhedsorienteret indsats i forhold til de enkelte mennesker og familier i udsatte positioner, da de forskellige tiltag i højere grad koordineres og sammentænkes. Et samarbejde som ifølge evalueringen med fordel kan styrkes og udvides.

Alliaq tilbyder otte timers individuel behandling med en psykolog og derudover tilbydes en eventuel partner også behandling i to timer – enten som parterapi eller ved individuelle samtaler. Alliaq har psykologer fysisk placeret i Nuuk, Sisimiut og Ilulissat, men de individuelle behandlingsforløb tilbydes også via telefonen og Skype i hele landet. Alliaq har derfor klienter fra hele landet; fra Narsaq i Syd til Qaanaaq i Nord – fra Nuuk i Vest til Kulusuk, Tasiilaq og Ittoqqortoormiit i Øst.

Læs evalueringen af Alliaq her.

For yderligere informationer kontakt AC-fuldmægtig i Socialstyrelsen, Majken Vith Tangkjær på e-mail: mavt@nanoq.gl eller tlf. +299 346639.

 

Hvad mener du om Lufthavnene? Du har op til 6 svarmuligheder

View Results

Indlæser ... Indlæser ...

Kalaallit Nunaat namminersornissaa kissaatigaajuk? - Ønsker du at Grønland skal være selvstændig?

View Results

Indlæser ... Indlæser ...