🎄🎅🏽🇬🇱§ 37 – Aqqaluaq B. Egede: Jobsøgende

📷Inatsisartut

🇩🇰↓🇬🇱↓ Suliffissaaleqinerup akiornissaa suliassaavoq annertooq aamma pingaaruteqartoq. Nunatsinni ajornartorsiut sumiiffinni tamani inoqarfiusuni tamani atuuppoq. Inuppassuit suliffissanik nutaanik ujartuinerat Naalakkersuinikkut qanoq iliuuseqarfigineqarsimanersoq assut paaserusunnarpoq. Taamaammat pingaaruteqartorujussuuvoq apeqquteqaatit ukua Naalakkersuisuniit erseqqilluinnartumik akineqarnissaat.

Inuiaqatigiinni ajornartorsiut annertooq pingaartilluinnarlugu angusaqarfiusumillu Naalakkersuinikkut kommunit peqatigalugit iluatsittumik suliaqarsimanissaat pisariaqarluinnarpoq. Tamanna paasisaqarfigerusunnaqaaq. Matumani pisara tassaavoq ukiuni kingullerni pisut qanoq ingerlasimanerat paasisaqarfigissallugu. Matumani pinngilara siunissami Naalakkersuisut sunik anguniagaqarnersut.

Erseqqissarlara apeqqutiginnginnakku Naalakkersuisut siunissami qanoq pilersaaruteqarnersut. Apeqqutigaara ukiuni kingullerni Naalakkersuisut qanoq angusaqarsimanersut. Isumaqarlungalu inuiaqatigiinni suliassaq ilungersunartoq akiorniarlugu sulinermi iluatsitat suunersut. Suut anguneqarsimanersut, aamma pitsanngoriaatit atorluartariaqakkagut suunersut paasisaqarfigissallugit.                                        

Inatsisartut Suleriaasianni § 37 imm. 1 naapertorlugu Naalakkersuisunut apeqqut imaattoq matumuuna saqqummiuppara.

Naalakkersuisunut apeqqut:

 

  • Suliffissat nutaat 2016-imi, 2017-imi aamma 2018-imi qassit pilersinneqarsimappat?
  • Suliffissarsiorlutik allatsissimasut ikileriarsimasut Naalakkersuisut ilisimatitsissutigaat, suliffissarsiorlutik allatsissimasut ikileriaatigisaat sumi sulilersimappat?
  • Nunatsinni suliffissat qassiuppat?
  • Nunatsinni suliffissat ukiuni kingullerni tallimani qanoq – amerliartorsimappat? /  Ikiliartorsimappat?
  • Suliffissat amerlassusaat kommunini tamani 2016-17-18-imilu qanoq amerlatigippat?
  • Nunaqarfiit sorliit suliffissanik nutaanik ukiuni kingullerni tallimani amerlilerisimappat?
  • Illoqarfiit sorliit suliffissanik nutaanik ukiuni kingullerni tallimani amerleriarfiusimappat?
  • Nunaqarfiit sorliit suliffissanik ukiuni kingullerni tallimani ikileriarfiusimappat?
  • Illoqarfiit sorliit suliffissanik ukiuni kingullerni tallimani ikileriarfiusimappat?
  • Suliffissarsiorlutik allatsissimasut qassit ilinniartitaanikkut ingerlatsilersimappat?
  • Suliffissarsiorlutik allatsissimasut ilinniarsimanngitsut qassiuppat?
  • Ilinniagaqarsimallutik suliffissarsiorlutik allatsissimasut amerlanerpaataasa ilinniakkanut assigiinngitsunut tallimanut agguaraanni  suna ilinniagarikkajuppaat?
  • Ukiuni kingullerni qulini suliffissaaleqineq akiorniarlugu suliniutit suut iluatsissimappat?
  • Suliffissaaleqineq akiorniarlugu iliuutsit suut iluatsissimanersut Naalakkersuisut oqaatigisinnaavaat?
  • Suliffissaaleqineq akiorniarlugu Naalakkersuisut iliuusissat iluatsissimasaat inunnik qassinik sulilersitsisimappat?
  • Naalakkersuisut suliffissaaleqineq akiorniarlugu iliuusissaat kommuniniit qanoq suliarilluarneqartigippat?
  • Suliffissaaleqineq akiorniarlugu ukiuni kingullerni tallimani Naalakkersuisut suliarisimasaat suuppat?
  • Suliffissarsiorlutik allatsissimasut nunatsinni ukioqatigiiaanut agguataarsimanerat qanoq isikkoqarpat?
  • Ukiuni kingullerni tallimani Kommunit sorliit suliffissaaleqineq akiorniarlugu iluatsitsinerpaajullutik suliffissanik nutaanik pilersitsisimappat?
  • Kommunini sorlerni suliffissaaleqineq ukiuni kingullerni tallimani qaffakkiartuinnarsimava?

 

(Inatsisartunut ilaasortaq Aqqaluaq Biilmann Egede)

🇩🇰Ledighedsbekæmpelse er et stort og vigtigt arbejde. Dette ledighedsproblem findes i alle landets bosteder. Jeg ønsker at få oplyst hvilke initiativer Naalakkersuisut har taget i forhold til befolkningens ønsker om arbejdspladser. Derfor er det vigtigt, at Naalakkersuisut fremkommer med klare besvarelser på disse spørgsmål.

Det er nødvendigt, at Naalakkersuisut sammen med kommunerne gør resultatgivende indsatser for dette store problem i samfundet. Derfor ønsker jeg oplysninger om disse. Her taler jeg om at modtage oplysninger for de seneste års indsatser. Her taler jeg ikke om Naalakkersuisuts fremadrettede initiativer.

Lad mig understrege igen, at jeg ikke taler om hvilke planer Naalakkersuisut har for fremtidige initiativer, men spørger om hvilke resultater Naalakkersuisut har opnået igennem de seneste år. Jeg ønsker at få oplyst hvilke konkrete initiativer der er lykkes. Hvad man har opnået samt hvilke forbedringer der kan benyttes fremadrettet.

I henhold til § 37, stk. 1 i Forretningsordenen for Inatsisartut, fremsætter jeg følgende spørgsmål til Naalakkersuisut.

Spørgsmål til Naalakkersuisut:

 

  • Hvor mange jobs er der blevet etableret i 2016, 2017 og 2018?
  • Naalakkersuisut har meddelt, at antal af jobsøgende er faldet, hvor har de omtalte fundet beskæftigelse?
  • Hvor mange jobs har vi i landet?
  • Hvordan er jobs blevet flere/blevet færre i de sidste 5 år?
  • Hvor mange jobs findes i alle kommunerne i 2016-17-18?
  • I hvilke bygder er der beskæftigelsesmæssigt fremgang i de sidste 5 år?
  • I hvilke byer er der beskæftigelsesmæssigt fremgang i de sidste 5 år?
  • I hvilke bygder er der tilbagegang på beskæftigelse i de sidste 5 år?
  • I hvilke byer er der tilbagegang på beskæftigelse i de sidste 5 år?
  • Hvor mange af de registrerede ledige har startet en uddannelse?
  • Hvor mange ufaglærte arbejdsløse er registreret?
  • Hvilke 5 uddannelser figurerer oftest blandt de uddannede ledige?
  • Hvilke ledighedsbekæmpende indsatser er lykkes i de seneste 10 år?
  • Hvilke ledighedsbekæmpende indsatser kan Naalakkersuisut betegne som vellykkede?
  • Hvor mange jobs er etableret som følge af Naalakkersuisuts vellykkede ledighedsbekæmpende indsatser?
  • I hvor høj grad laver kommunerne opfølgninger på de af Naalakkersuisut ledighedsbekæmpende indsatser?
  • Hvilke ledighedsbekæmpende indsatser har Naalakkersuisut iværksat i de seneste 5 år?
  • Hvordan er aldersfordelingen af de ledige her i landet?
  • Hvilke kommuner har de mest succesrige ledighedsbekæmpende indsatser i de seneste 5 år?
  • I hvilke kommuner er ledigheden vokset i de seneste 5 år?

 

(Medlem af Inatsisartut Aqqaluaq Biilmann Egede, Inuit Ataqatigiit)

 

Hvad mener du om Lufthavnene? Du har op til 6 svarmuligheder

View Results

Indlæser ... Indlæser ...

Kalaallit Nunaat namminersornissaa kissaatigaajuk? - Ønsker du at Grønland skal være selvstændig?

View Results

Indlæser ... Indlæser ...