🎄🎅🏽🇬🇱§ 37 – Randi Vestergaard Evaldsen: is & vand

🇩🇰↓🇬🇱Kalaallit Nunaanni ukiuni kingullerni 15-nngulersuni sikumik/nilammik imermillu tunisassiulernissaq aallarteriarneqartarnikuuvoq. Periarfissaq pioreerpoq – tamanna qularutissaanngilaq, kisianni nassuerutigisariaqarparput taamatut tunisassiulernissamut ulloq manna tikillugu  suli iluatsitsivissimannginnatta.

Tunisassiulernissaq pillugu pilerisaarinerit ikinngitsut ingerlanneqartarnikuupput – iluatsitsiviunngitsumilli. Taamaattumik soqutiginarpoq paasissallugu suna tamatumunnga pissutaanersoq.

Tamatuma saniatigut soqutiginarpoq paasissallugu, nunat allamiut nilammik imermillu tunisassiortartut Kalaallit Nunaanni pilersitsisinnaanermut periarfissat qanoq isumaqarfigineraat

Inatsisartut Suleriaasianni § 37 imm. 1 naapertorlugu Naalakkersuisunut apeqqutit imaattut matumuuna saqqummiuppakka:

Naalakkersuisunut apeqqutit:


  1.  Kalaallit Nunaata ukiorpassuarni sikumik/nilammik imermillu tunisassiulernissaq aallartinniartarnikuugaluarpaa annerusumilli kinguneqanngitsumik. Tassunga atatillugu paaserusuppara nunat allamiut nilammik imermillu tunisassiortut nunatsinni imermik tunisassiulernissamut aningaasaleerusunnginnertik pillugu qanoq oqarsimanersut?

  2. Naluneqanngilaq nioqqutissanik avammut tunisassianik assartuineq akisoorujussuusoq tassunga ilanngullugu minnerunngitsumik imermik nilammillu assartuineq. Taava sunaana pissutaasoq, Naalakkersuisut sikumik/nilammik imermillu tunisassiulernissamut pilerisaariuarnerannut (takuuk konto 64.10.27 Inuutissarsiornermut siuarsaaneq aamma suliniutinik pilerisaarineq) uffa takusinnaallugu nunatsinni sikumik/nilammik imermillu nioqqutissiorluni aallartitsinissamut aporfiit annersaat tassaasoq aningaasartuutit qaffasinerujussuat?

  3.  Maannakku siunissami sikumik/nilammik imermillu tunisassiulernissaminnut eqqarsartut aningaasartuutaat ikilisarumallugit Naalakkersuisut suliniutinik sunik aallartitsilersaarpat taamaasilluta tunisassiamik iluanaarutigisinnaasatsinnik pilersitsisinnaaqqulluta?

    4. Suliamut tunngatillugu Naalakkersuisut allanik soqutiginartunik paasissutissaateqarpat?

(Inatsisartunut ilaasortaq Randi Vestergaard Evaldsen, Demokraatit)

🇩🇰Grønland har forsøgt i knapt 15 år at få opbygget en stor eksport af is og vand. Potentialet er dér – det er uomtvisteligt, men vi må erkende, at vi ikke for alvor har fået skabt det fornødne fodfæste på dette marked.

Der har ellers været iværksat mange markedsførings-initiativer desangående for at få opbygget et nyt marked – desværre uden held. Derfor kunne det være interessant at få oplyst, hvad grunden hertil er. Herudover er det interessant at få oplyst, hvad  de udenlandske producenter af is og vand mener om muligheden for at etablere sig i Grønland.

I medfør af § 37 stk. 1 i Forretningsordenen for Inatsisartut fremsætter jeg følgende spørgsmål til Naalakkersuisut.

Spørgsmål til Naalakkersuisut:


  1. Grønland har igennem mange år forsøgt at få opbygget et eksportmarked af is og vand, uden at der for alvor er sket noget. I den forbindelse vil jeg gerne have oplyst, hvad de udenlandske producenter af is og vand melder tilbage om, hvorfor de ikke ønsker at investere i vandprojekter i vores land?

  2. Det er en kendt sag, at transport af varer til vores eksportmarkeder er en stor omkostning, herunder ikke mindst transport af vand og is. Hvad er så baggrunden for, at Naalakkersuisut fortsætter med at lave markedsførings-event af vores is og vand (se konto 64.10.27 Erhvervsudviklings- og markedsføringsprojekter), når angiveligt den største hindring for at nedsætte sig i vores land, er de høje omkostninger, der er forbundet med at producere is og vand i vores land?

  3. Hvilke initiativer vil Naalakkersuisut igangsætte for at nedbringe omkostningerne for de nuværende og kommende producenter af is og vand, så vi kan få etableret et nyt givtigt marked for os?

    4. Kan Naalakkersuisut oplyse andet af interesse for sagen?
    (Medlem af Inatsisartut Randi Vestergaard Evaldsen, Demokraterne)

 

Hvad mener du om Lufthavnene? Du har op til 6 svarmuligheder

View Results

Indlæser ... Indlæser ...

Kalaallit Nunaat namminersornissaa kissaatigaajuk? - Ønsker du at Grønland skal være selvstændig?

View Results

Indlæser ... Indlæser ...