§ 37 – Henrik Fleischer: Qaleralittassiissutit

📷Inatsisartut

🇩🇰↓🇬🇱Naalakkersuisut imaqarniliaanni, Decembarip ulluisa arfernanninngaanneersumi, kitaani qalerallit pisassiissutit qaffariaataat pillugit ima allaqqavoq: ”…kitaani qalerallit pisassiissutit 2.035 tonsiusut Royal Greenlandimut agguaanneqassasut, piumasaqaatitalerlugu Paamiuni Kangaatsiamilu (Qasigiannguit sillimmatitut inissillugu) tunitsiveqarniarnermi suliffissaqartitisiniarnermilu pitsanngorsaaviginiarlugit, tulaassassanngorlugit.”

Naalakkersuisooqatigiinnermut isumaqatigiissummi naalakkersuisunullu tunuliaqutsersuisut suleqatigiinnissamut tunngavigisaanni siunnerfiuvoq, aalisarnerup iluani pisassiissutit siammarternerullugit amerlanerusunut aamma inuusuttunut periarfissiissutigineqarnissaat, taamaammat qulaani aalajangernerup pissutissaqalersippaanga taamatut apeqquteqarnissannut.

Inatsisartut suleriaasianni  § 37 imm. 1 naapertorlugu Naalakkersuisunut apeqqut imaattoq matumuuna saqqummiuppara:

Naalakkersuisunut apeqqut:

  1. Sooruna Naalakkersuisut namminneq siunniussatik qimallugit matumani aalajangersaasut?
  2. Naalakkersuisut ilisimatitsissutigisinnaanerpaat suliffeqarfiit aalisartitseqatigiinnik allanik, namminneq nunami tunisassiorfiuteqartunik, illoqarfinni aamma ’suliffissaqartitsiniarnermi’ pitsanngorsaavigineqartariaqarsinnaasunik pisassiissutinut pineqartut ilaannut qinnuteqartoqaraluarsimanersoq?
  3. Immikkut ittumik pissutissaqartoqarpa pisassiissutit pineqartut Namminersorlutik Oqartussat piginneqatigiiffiannut tunniunneqarmata?
  4. Immikkut ittumik pissutissaqartoqarpa illoqarfiit pineqartut taakku marluk, qaleralinnik tisaanik tunisassiornermik tunuliaqanngitsunut agguaavigineqarnissai?
  5. Illoqafinni pineqartuni taakkunani atortorissaarutit pisariaqartinneqartut sulisoqarniarnermullu tunngassuteqartut naammattumik pigineqareerpat?
  6. Qalerallit avataasiornermi aalisarnermi pisassiissutigineqartut tamarmiusut siunissami appariateqassangaluarpata maanna pisassiissutigineqartut qanoq pineqassappat?
    1. Aalisarnerup iluani aalisartitseqatigiit allat pisassiissuteqartut aamma tamatumani eqqornerlunneqassappat, tamatumani appaariartitsineq 2.000 tonsinik annikinnerussappat?
  7. Inuiaqatigiit aningaasaqarnerannut sunniutaasinnaasut pillugit naatsorsuisoqarnikuua, tamatumani tulaassisussaatitaanermik pisussaaffiliinerup pisassiissutinik atorluaanerpaasoqarneranik uppernarsineqarluni?
  8. Akileraarutitigut akitsuutitigullu qanoq annertugisumik Namminersorlutik Oqartussat/Kommunillu pissarsissappat aalisagartassiissutit pineqartut toqqaannartumik avammut tuniniarneqartuuppatta, taamaaqataanillu pisassiissutit taakku tulaanneqarlutik tisaneqarunik qanoq pissarsissutaatigissappat?
  9. Paasivara Royal Greenlandip kilisaatissaasa sanaartorneqartut nutaat arlaat, arlariinnik aalisarsinnaassuseqartutut sananeqartoq , tassa raajanut qaleralinniarnissamullu naleqqussarlugu. Naalakkersuisut suliffeqarfimmut Royal Greenland siumoortumik akuersissuteqarnikuuppat suliffeqarfiup aalisarsinnaassutsip (fiskerikapacitet-ip) malunnaatilimmik qaffassarsinnaagaat, naak tamakkuninnga nunatsinni aalisariutaatillit pisinnaasaat ullumikkut sippulimmik aalisarsinnaassuseqareeraluartut.

(Inatsisartunut Ilaasortaq, Henrik Fleischer, Siumut)

🇩🇰Da det af koalitionsaftalen, som koalitionsparterne og støttepartierne står bag, tydeligt fremgår, at målsætningen er at sprede ejerskabet til nye kvoter, at disse skal tildeles nye aktører og yngre fiskere, giver ovenstående beslutning naturligvis anledning til en hel række spørgsmål.

I medfør af § 37 stk. 1 i forretningsorden for Inatsisartut fremsætter jeg følgende spørgsmål til Naalakkersuisut:

Spørgsmål til Naalakkersuisut:

  1. Hvorfor fraviger Naalakkersuisut koalitionsaftalens målsætninger på dette punkt?
  2. Kan Naalakkersuisut oplyse om der har været andre ansøgere, med egne landbaserede produktionsfaciliteter i byer som på tilsvarende vis kan vurderes at have behov for ’beskæftigelsesaktiviteter’, som ellers har ansøgt om at få del i denne kvote?
  3. Er der nogen særlig grund til at selvstyrets eget selskab skal tildeles disse kvoter?
  4. Er der nogen særlig grund til at disse to byer, der ikke har tradition for filetering af hellefisk, skal tilgodeses?
  5. Findes der i disse byer det nødvendige udstyr og arbejdskraft til en sådan produktion?
  6. Hvordan vil disse kvoter blive behandlet hvis der senere kommer en reduktion af den udenskærs kvote?
    1. Vil de øvrige rederier, der har del i kvoten, så blive ramt af en sådan reduktion, hvis den er under 2.000 tons?
  7. Er der lavet samfundsøkonomiske beregninger på om det er det mest optimale at kræve landingspligt på disse fisk?
  8. Hvor store skatter og afgifter får selvstyret/ kommunerne ved henholdsvis at lade mængden fiske, som eksport, og ved at lave landingspligt og filetering på mængden?
  9. Jeg har forstået at et af RG’s nye skibe er en kombinationstrawler til rejer og hellefisk. Har landsstyret givet tilladelse til, at RG kan øge fiskerikapaciteten i denne del af fiskeriet, som i forvejen har overkapacitet?

(Medlem af Inatsisartut, Henrik Fleischer, Siumut)

 

Hvad mener du om Lufthavnene? Du har op til 6 svarmuligheder

View Results

Indlæser ... Indlæser ...

Kalaallit Nunaat namminersornissaa kissaatigaajuk? - Ønsker du at Grønland skal være selvstændig?

View Results

Indlæser ... Indlæser ...