Timersornermi nutaanik angusaqartoqassaaq

🇩🇰Dansk oversættelse følger                                         

🇬🇱Nunatsinni ukioq 2019-imi timersornerup tungaatigut pissanganartunik pisoqassaaq. Namminersorlutik Oqartussanit aningaasaliissutit amerlineqarnerisigut timersornermi anguniakkat nutaat qitiutinneqassapput.

Timersornerup tungaatigut ilisimasat amerliartortillugit pissusissamisoortumik ineriartortoqarnissaanik ujartuisoqassaaq. Taamaattumik ukioq 2019 periusissamik nutaamik pilersitsinissaq pilersaarutaavoq, tamannalu Aallartitat sinniisut novembarimi 2019-imi ataatsimiinneranni saqqummiunneqassaaq tassanilu aamma siulittaasumik toqqaasoqassalluni.

Periutsimi pioreersumi sammisassanik amerlasuunik aallussinikuuvugut periutsillu nutaami inersiartortinneqassallutik.

Periutsip nutaap ineriartortinnerani amerlasuunik oqaloqateqarneq pisariaqarsimavoq, matumani kattuffiit, timersoqatigiiffiit, kommunit, aningaasaliisartut oqaloqatigineqarput. Taakkulu oqaloqatiginerini avitseqatigiinnikkut pitsaanerusumik anguniagaqarnissamut qanillisaataasimapput.

Tamatuma saniatigut piginnaasanik inerisaanissamut suli neqerooruteqarpugut, tassani Ajutoornissamut pinaveersaartitsinissamik Sungiusarneq aammalu Peqatigiiffinnik ineriartortsilluni pikkorissarnerit pingaartutut inissisimallutik.

Arctic Winter Games 2016-imi misilittakkat aallerfigalugit Kalaallit Nunaanni Timersoqatigiiffiat Inuusuttunik sinniisuutitaqarniarluni ilinniartitsissaaq. Suliniummi piumassutsimik sulineq aamma 2019-imi inerisarneqartussat ilaraat – tamanna peqatigiiffinnik namminneq piumassutsiminnik suliaqartut peqatigalugit ingerlanneqassasoq neriuutiginarpoq.

Pisussaq nutaaq tassaavoq novembarimi 2019-imi timersornermi festivalertoqarnissaa, tassanilu inuiaqatigiit timikkut eqqarsartaatsikkullu peqqinnerulernermik ineriartuutaassaaq isumasiorfiusinnaassallunilu.

“Timersorneq nuannersuusoq nalunngilarput aammalu inuit timersornerup silarsuaaneersut timersornermilu ineriartortitserusuttut sapaatip akunnerani timersornermik sammisaqaqatiginissai qilanaaraaput”, taama siulittaasoq Nuka Kleeman oqarpoq.

2019-imi aamma Island Games-ertoqassaaq. Qeqertat unamiuaarnerinut holdimi ikitsut aallassapput, tassaasut sulorartartut, nerrivimmi arsaarartartut, triatlon-ertartut, igeriussisartut kiisalu atletik-ertartut.

Timersorneq aqqutigalugu nunarput kateritsinneqassaaq tamannalu iluatsilluariarpat 2019-imi sammisassat pilersaarutaasut ajunngitsumik ineriartortitsilissapput.

Kalaallit Nunaanni Timersoqatigiiffiit Kattuffiata peqatigiiffiit akimut suleqatiginiarlugit ujartuinera ingerlatiinnarneqassaaq. Meeqqat atuarfiini ilinniartitsinermi timersornertaqarnissaa aammalu eqaarsaarnermi suli pitsaanerusumik ingerlatsinissaq piffissaq ungasinnerusoq eqqarsaatigalugu ineriartortitsinissarput aamma ingerlatiinnassavagut. Timersornerli kisiat pineqassanngilaq, namminersorlutik oqartussat, kommunit, Ilinniarfissuaq, IMAK-ilu aamma oqaloqatigineqarnissaat piumasaqaataavoq.

“Maannamut timersornikkut nunatta angusarisimasaa Naalakkersuisut tulluussimaarutigaat. Timersortartugut pikkorilluinnarlutik takutippaat meeqqanut inuiaqatigiinnullu maligassuisuulluarlutik. Timersornermi suli pitsaanerusumik anguniagaqarnissaq tapersersussallugu piareersimavugut tamannami innuttaasut inooriaasaannut, timikkut tarnikkullu peqqississusaannut aamma iluaqutaassammat”, Ane Lone Bagger Ilinniartitaanermut, Kultureqarnermut, Ilageeqarnermut Nunanullu Allanut Naalakkersuisoq taama oqarpoq.

Kalaallit Nunaanni Timersoqatigiit Kattuffiat kattuffinnik 9-nik ilaasortaqarpoq, timersoqatigiiffiit kattuffiunngitsut mikisut arlallit aammalu peqatigiiffiit nunatsinnit tamalaaneersunik ilaasortaqarluni.

Ulluinnarni namminneq piumassutsiminnik suliaqartut ulapputeqartullu maniguulluta ataqqillugit 2019 tikilluaqquarput.

 

Hvad mener du om Lufthavnene? Du har op til 6 svarmuligheder

View Results

Indlæser ... Indlæser ...

Kalaallit Nunaat namminersornissaa kissaatigaajuk? - Ønsker du at Grønland skal være selvstændig?

View Results

Indlæser ... Indlæser ...
Translate »