§ 37 Pele Broberg: Kalaallit Airports

Grafik: Kalaallit Airports A/S

🇩🇰↓🇬🇱Inuiaqatigiit pigisaanni siulersuisut akissarsiaat tupinnaannartumik nipaattumik qaffangaatsiarnikuupput, tamannalu Naalakkersuisut nittartagaanni eqqunngitsumik suli saqqummiunneqaqqallutik. Tupinnaqaaq Kalaallit Airports A/S-ip siulersuisuinut akissarsiarititaasut Royal Greenland A/S-imiit annerungaatsiartut, naak ingerlatsivik minnerungaatsiartoq. Tamassuma patsisaanut inuiaqatigiit piginnittuusut paasitinneqartariaqarput.

Inatsisartut suleriaasiat § 37 imm. 1 naapertorlugu Naalakkersuisunut apeqqutit imaattut matumuuna saqqummiuppakka:

Naalakkersuisunut apeqqut:

  1. Naalakkersuisut siulittaasuata Kim Kielsen-ip aqqani, Namminersorlutik Oqartussat tamakkiisumik amerlanerussuteqartumillu ingerlatsiviit pigisaanni, siulersuisoqarnerannut aqutsivik akisussaaffigisaattut inissisimava?
  2. Naalakkersuisut siulittaasuata Kalaallit Airports A/S pillugu, ulloq 25. Juli 2018, immikkut ittumik ataatsimeersuartitsisimanini qulakkersinnaavaa, tassanilu Naalakkersuisut siulittaasuat immikkut ittumik ataatsimeersuartitsinermi siulersuisut akissarsiaasa qaffannissaat siunertatuarisimaneranut qulakkeerinnissinnaava?

Taamanngippat oqaluuserineqarsimasut nuisanngitsut saqqummiunneqarnissaannut peqqussuteqarpunga.

  1. Naalakkersuisut Kalaallit Airports A/S pillugu, ulloq 25. Juli 2018, immikkut ittumik ataatsimeersuartitsinerminni suna patsisigalugu siulersuisunut akissarsiarititaasut qaffariangaatsiarpaat, ilaatigut siulersuisuni siulittaasuusoq ukiumut toqqaannaq 750.000 kroner akissarsiaritinneqalersimaneranut suna patsisaava?
  2. Immikkut ittumik ataatsimeersuarsimaneq massakkuusumi ulloq 14. Januar 2019 suli Kalaallit Airports A/S-ip nittartagaani – www.kair.gl – aatsaat dansk-isuinnaq isersimagaanni nutaarisassaannatut takuneqarsinnaavoq. Kalaallisut, oqaatsilluunniit allat atorlugit, isersimagaanni tamanna takuneqarsinnaanngilaq. Tamanna ataatsimeersuarnermiit imaqarniliaq allatigut saqqummiunneqarnikuua, pisortatigoortumillu oqaaseq atorlugu saqqummiunneqarnikuua?

Taamappat qanoq, sukkut, qaqugukkullu uppernarsarnissaannut Naalakkersuisut peqquneqarput.

  1. Naalakkersuisut siulersuisoqarnermut akissarsiassanut politikkia ukioq 2014-imeersoq malillugu, suliffeqarfiit aningaasatigut kaaviaartitaat najoqqutaralugu annersaasut – tassani Royal Greenland A/S takutinneqarpoq – siulersuisuni siulittaasorisaq ukiumut 500.000 kroner akissarsiarisartussaavai. Suna patsisigalugu Naalakkersuisut namminneq politikkertik avaqqullugu Kalaallit Airports A/S siulersuisuinut akissarsiat qaffariasaarpaat?
  2. Naalakkersuisut eqqartukkami politikkertik malissimanngippassuk, naak Naalakkersuisut pisortatigoortumik nittartagaanni suli nuisasoq – www.nanoq.gl – suut allat politikkerisatik imaluunniit ileqqorisassatut malinniarnikuusatik massakkut malinngilaat imaluunniit malinnianngilaat, taavalu Naalakkersuisut politikkilioriarlutik, arlaannilluunniit maleruagassamik inisseeriarlutik, malinnginnissaannut allatut iliornissaq pissusissamisoortutut isigaat?
  3. Naalakkersuisut malillugit, Naalakkersuisoqarfinni imaluunniit ingerlatsiviit allani Naalakkersuisut aqqaniittuni politik periuseq inissinneqareertoq malinneqartinnagu qanoq kinguneqartitsinissamik periuseqarpat?

Kinguneqartitsisarniarunik periuserisaq taakkartorneqaqquvoq.

  1. Naalakkersuisut qanoq oqartussaaffigisami siulersuisut akissarsiaqartinnissaannut pilersaaruteqarpat?

Naalakkersuisut pilersaaruteqarsimappata qinnuigissavakka ingerlatsiviit ataasiakkaarlugit immikkut akissarsianut pilersaarutaannik nassuiaanneqassasut.

  1. Namminersorlutik Oqartussat tamakkiisumik annertunerusumilluunniit pigisaanni, ingerlatsivik sorlermi siulersuisuni siulittaasuusoq toqqaannaq akissarsiaqarnersatut inissisimava?

(Inatsisartunut ilaasortaq, Pele Broberg, Partii Naleraq)

🇩🇰↓🇬🇱Bestyrelserne i de samfundsejet virksomheder har fået gevaldigt lønforhøjelser uden lige, og disse bliver stadigt misvist på Naalakkersuisuts hjemmeside. Det er utroligt at bestyrelseshonoraret i Kalaallit Airports A/S overgår Royal Greenland A/S, selvom selskabet er langt mindre. Begrundelsen for dette valg bliver ejerne, dvs. befolkningen nød til at blive informeret.

I medfør af § 37 stk. 1 i forretningsorden for Inatsisartut fremsætter jeg følgende spørgsmål til Naa-lakkersuisut:

Spørgsmål til Naalakkersuisut:

  1. Hører ansvaret for bestyrelsessekretariatet for de helt eller delvis selvstyrejet selskaber under Formanden for Naalakkersuisut Kim Kielsen?
  2. Kan Formanden for Naalakkersuisut bekræfte at Kalaallit Airports A/S, dateret den 25. juli 2018, har holdt en ekstraordinær generalforsamling, hvoraf afholdelsens eneste grund var at hæve bestyrelsens honorarer, dvs. løn?

Hvis ikke bedes fremlagt dokumentation for andre dagsordenspunkter som blev diskuteret.

  1. Hvad var grunden til at Naalakkersuisut, under den afholdte ekstraordinære generalforsamling af Kalallit Airports A/S dateret den 25. juli 2018, besluttede at hæve lønnen til bestyrelsen, herunder hæve bestyrelsesformandens direkte honrar til 750.000 kroner om året?
  2. Information vedrørende den ekstraordinære generalforsamling kan til dags dato, idag den 14. januar, kun ses på Kalaallit Airports A/S’ hjemmeside – www.kair.gl – ved at browse hjemmesidens nyheder, og kan kun ses hvis man udelukkende browser siden på dansk. Hvis man browser hjemmesiden på Grønlandsk, eller et andet sprog, eksisterer informationen ikke. Har referatet fra den afholdte generalforsamling været fremlagt gennem andre instanser, og har det referatet været fremlagt på landets officielle sprog?

Hvis ja, så bedes Naalakkersuisut at fremvise hvordan, hvor, og hvornår dette information blev frembragt.

  1. Ifølge Naalakkersuisuts honorarpolitik for dets bestyrelser fra 2014, blev den største bestyrelseshonorar fastsat – her blev Royal Greenland A/S vist – på baggrund af omsætningsstørrelsen af selskabet, hvor bestyrelsesformandens årsløn blev derefter fastsat til at være på 500.000 kroner. Hvad lå grund til at Naalakkersuisut ikke fulgte deres egen politik og gevaldigt hævede Kalaallit Airports A/S’ bestyrelseshonorar?
  2. Hvis ikke Naalakkersuisut fulgte deres egen politik på dette punkt, som Naalakkersuisut stadig viser offentligt på deres officielle hjemmeside – www.nanoq.gl – hvilke andre offentliggjorte politik og retningslinjer følger man ikke, eller ikke længere vil følge, og syntes Naalakkersuisut at det er acceptabelt at bryde ens eget politik, eller en anden form for retningslinje, uden videre?
  3. Hvis man i Departementerne for Naalakkersuisut eller andre steder enheder under selvstyret ikke følger den fastsatte politik, hvilke konsekvenser der være Ifølge Naalakkersuisut?

Hvis der skal påfaldes konsekvenser, bedes fremgangsmåderne belyst.

  1. Hvilke planer har Naalakkersuisut til kommende bestyrelseshonorarer ved de selvstyreejet bestyrelser?

Hvis Naalakkersuisut har planer, bedes disse enheder enkeltvis fremvist med forklaring deraf.

  1. Hvis man ser på alle Selvstyreejet enheder, hvilken selskab har den højeste direkte bestyrelseshonorar til bestyrelsesformanden.

(Medlem af Inatsisartut, Pele Broberg, Partii Naleraq)


Hvad mener du om Lufthavnene? Du har op til 6 svarmuligheder

View Results

Indlæser ... Indlæser ...

Kalaallit Nunaat namminersornissaa kissaatigaajuk? - Ønsker du at Grønland skal være selvstændig?

View Results

Indlæser ... Indlæser ...