Sofia Geisler: Attartortunik illersuineq takujuminaatsoq

Sofia Geisler📷Inuit Ataqatigiit

🇩🇰↓Sofia Geisler: Beskyttelse af lejerne er svært at få øje på

🇬🇱Ineqarneq pillugu § 37 naapertorlugu apeqqutikka 2018-328 akillugit Naalakkersuisut allapput inissiat attartortittakkat oqummik eqqugaasimasut siornatigut oqoqarsimanersut INI A/S-imi
immikkut nalunaarsorneqarneq ajorput.

Tamanna uanni minnerpaamik marlunnik ernumalersitsivoq.

Siulleq tassaavoq inissiaatileqatigiiffimmi pisortanit pigineqartumi aaqqissuussisoqarsimanngimmat tamakkiisumik takussutissiisumik oquup ajornartorsiutaanerata qanoq annertutigineranik. Aappaattut inoqarmat oqummik ajornartorsiuteqarfiusunik neqeroorfigineqarsimasinnaasut najugaqalersimasinnaasullu inissiani oquk pillugu ajornartorsiuteqarfiusimagunik nalunaarsorneqannginnerat pissutigalugu paasissutissanik erseqqarissunik takussutissaqarfiunngitsuni. Inissianik attartortut taamaammat inissianut nuussimasinnaapput siornatigut oqummik ajornartorsiuteqarfioreersimasuni. Ilisimassarlu taanna pingaaruteqarluinnartoq inissiaatileqatigiit attartortullu piginngitsoorsimasinnaavaat.

Pissusissamisuunngilaq. Kukkorujussuanngikkuma paasivara pisortat ingerlataannik inissiaatileqatigiiffimmik peqartugut, taamalu aamma politikkikkut aqutsisunik, inissiat attartortittakkat qanorpiaq pitsaatiginerannik pitsaatiginnginnerannilluunniit oqaluttuussisinnaanngitsunik.

Akissutigineqartumi erserpoq illoqarfinni annerni sisamani inissiat oqummik ajornartorsiuteqartut ilisimaneqartut 171-usut, taakkulu ilaat 64-it suli najorneqartut. Eqqumiiginartippara nuna tamakkerlugu attartutut tallimaannaammata oquk pissutigalugu inissiamik allamik utaqqisut.

Ernumanartippara attartortut taama amerlatigisut suli najugaqarmata inissiani oqummik ajornartorsiuteqarfiusutut ilisimaneqalereersuni. Apeqqutit arlallit uanni pinngorpoq. Inuit pineqartut peqqissusaat maannakkut ungasinnerusorlu eqqarsaatigalugu qanoq sunnerneqarpat? Inoqarpa inissiani oqummik ajornartorsiuteqarfiusuni najugaqartunik tamannalu napparsimasalissutigereersimagaat, immaqalu sulinerannut sunniutereerluni? Inissiani oqummik eqqorneqartuni najugaqartariaqarnerminni qaammammut akiliutaat appartinneqarpa?

§37 naapertorlugu apeqqutinni 2018-191 erseqqissumik takuneqarsinnaavoq attartortitsinermut maleruaqqusani attartortut ataasiakkaat illersorneqanngitsut. Pisortat namminersortulluunniit pigisaanni attartorniartut ilisimatinneqarneq ajorput inissiami nuuffigiligaanni oquk siunerusukkut ajornartorsiutaasimappat.

Attartortut ataasiakkaat illersorneqarnerat inatsisiniittariaqarluinnaraluartoq takujuminaappoq.

Tamanna Inuit Ataqatigiinni ukkatarissavarput.

🇩🇰På mit § 37 spørgsmål 2018-328 boliger skriver Naalakkersuisut, at det offentligt ejede boligselskab INI A/S ikke registrerer særskilt, hvorvidt skimmelramte lejeboliger tidligere har været ramt af skimmelsvamp.

Det bekymrer mig af mindst to grunde.

For det første fordi et offentligt ejet boligselskab som minimum ikke har fået opbygget et system, der skaber overblik over omfanget af problemet med blandt andet skimmelsvamp. For det andet fordi der må være mennesker, der har fået tilbudt og efterfølgende bor i skimmelsvampsramte boliger, hvor der ikke er noget historik på problemet og dets omfang. Lejerne kan derfor været flyttet ind i boliger, der tidligere har været ramt af skimmelsvamp. Hvor hverken boligselskabet eller lejerne efterfølgende er i besiddelse af denne information.

Det er ikke godt nok. Hvis ikke jeg tager meget fejl, ser det ud til at vi har et offentligt ejet boligselskab, og dermed også et politisk administration, der i sidste ende ikke ser ikke kan fortæller os det samlede billede af det reelle tilstand for boligmassen.

Det fremgår, at 171 boliger i de fire største byer har kendte skimmelsager. Heraf er de 64 stadig beboet. Det undrer mig derfor, at der p.t. kun er 5 lejere på landsplan, der venter på en erstatningsbolig.

Det bekymrer mig, at der er så mange lejere, der fortsat bor i lejeboliger, hvor det er kendt at der er problemer med skimmelsvamp. Det rejser en række spørgsmål hos mig. Hvad betyder det for deres helbred, her og nu, men sandelig på længere sigt? Er der mennesker, hvis sundhed er blevet ramt af at bo i skimmelsvampsramte boliger, og som derfor også påvirkes i deres daglige arbejde? Betaler de mindre i husleje fordi de er nødt til at bo i boliger med allerede kendte skimmelvampproblem?

Jeg skal henvise til mit §37 spørgsmål 2018-191, hvor det fremgik med al tydelighed, at lejeforordningen ikke beskytter den enkelte lejer. Hverken det offentlige eller det private har ingen forpligtelse til at fortælle nye lejere såfremt der har været problemer med skimmelsvamp i den bolig, der flyttes ind i.

Det er svært at få øje på den beskyttelse af lejerne, som bør være en naturlig del af lovgivningen.

Det har vi fokus på i Inuit Ataqatigiit.


Hvad mener du om Lufthavnene? Du har op til 6 svarmuligheder

View Results

Indlæser ... Indlæser ...

Kalaallit Nunaat namminersornissaa kissaatigaajuk? - Ønsker du at Grønland skal være selvstændig?

View Results

Indlæser ... Indlæser ...