Tasiilami inuusuttut kulturikkut illutaarallarput

📷Kommuneqarfik Sermersooq
🇩🇰↓De unge i Tasiilaq har fået deres midlertidige kulturhus

🇬🇱Marlunngornermi inuusuttut kulturikkut illuanni B2-mi ammaanersiortoqarpoq ullormilu tassani borgmester Asii Chemnitz Narup peqataavoq.

Ulloq nuannersumik ingerlanneqarpoq inuusuttullu arlallit illumut ornigupput. B2 inuusuttut utaqqiisaasumik illorissavaat aasamullu nutaamik illumik sanasoqassalluni.

”Nuannaaqaanga Tasiilamiikkama inuusuttut kulturikkut illuata ammaanersiorneranut peqataallunga. Nammineq illutaarnissarsi kissaatigisimavarsi maanilu illumi assigiinngitsorpassuarnik sammisaqarsinnaavusi nutaanillu pilersitsiorsinnaallusi. Neriuppunga illoq atorluarumaarissi. Periarfissanimmi ulikkaarpoq, Asii Chemnitz Narup oqarpoq.

Inuusuttut namminneq kissaatigisimavaat illumi fjernsyneqalissasoq ammaanersiornermullu atatillugu inuusuttut fjernsynimik tunisipput. Aamma atuagarpaalussuarnik tunineqarput, atuakkat nipilersornermut, kulturimut oqaluttuarisaanermullu tunngasut qularnanngitsumillu inuusuttut atuakkat isumassarsiorfigisinnaassavaat.

Illumi atuisoq ilaat tassaavoq 19-nik ukiulik, Marie Ignatiussen:

”Maannartarnera nuannareqaara, inuusuttut allat naapisimaalaartarlugit. Titartaanerusarpunga inukkanilluunniit pinnguartarlunga. Aamma guitarerneq ilinniarujoorpara. Guitarernermut pikkorinnerulerusuppunga. Taalliulaarnikuuvunga. Taalliakka inuunermut, asanninnermut nunatsinnullu tunngapput. Aamma dramartarpunga KRK-mullu peqataasarlunga (Kalaallit Røde Korsiat). Majip 22-ni Norgeliaqataassaanga kulturfestivalimut peqataajartorlunga tassanilu kalattoortussaavugut. Siunissami igasunngornissara eqqarsaatigaara. Maannakkorpiaq Piorsaavimmi atuarpunga”, Maria Ignatiussen oqarpoq.

26-nik ukiulik Gundine Kalia aamma Piorsaavimmiittarpoq.

”Naluara siunissami sussanerlunga. Inuusuttut kulturikkut illuannukartarpugut, kalaharluta inukkanilluunniit pinnguarluta. Mersorneq nuannaraara, tiitorfiit alleqqutaannik sananerusarpunga. Inuusuttut allat naapilaarlugit nuannertaqaaq. Sapaatip akunneri tamaasa maanngartarpugut”, Gundine Kalia oqarpoq.

Inuusuttut kulturikkut illuata ammaanersiorneqarneranut atatillugu unnukkut katersortarfimmi nuannisaqatigiittoqarpoq, nipilersortoqarluni, qittattoqarluni isiginnaartitsisoqarlunilu.

📷Kommuneqarfik Sermersooq

🇩🇰Tirsdag blev ungdomskulturhuset B2 fejret med ”åbent hus” hvor de unge fik mulighed for at få en snak med borgmester Asii Chemnitz Narup.

Stemningen var god og afslappet og flere unge kiggede forbi i løbet af eftermiddagen. B2 er et midlertidigt hus og til sommer vil man gå i gang med at bygge et nyt hus til de unge.

”Jeg er meget glad for at være her i Tasiilaq for at fejre ungdomskulturhuset. I har selv ytret ønske om at få jeres eget hus, hvor I kan udfolde jer, skabe aktiviteter, være kreative og innovative”. Jeg håber at I vil benytte jer af huset. Der er i hvert fald mange muligheder, sagde Asii Chemnitz Narup.

I forbindelse med indvielsen blev der givet et nyt tv, som de unge selv havde ønsket sig. Der blev også givet en hel bunke bøger, så de unge kan hente inspiration blandt andet indenfor musik, kultur og historie.

En af brugerne af ungdomskulturhuset er den 19-årige Maria Ignatiussen.

”Jeg kan godt lide at komme her og være sammen med andre unge. For det meste tegner jeg eller spiller kort med de andre. Jeg er også gået i gang med at lære at spille på guitar. Jeg vil meget gerne blive bedre til at spille på guitar. Jeg har også skrevet lidt sangtekster. Mine tekster handler typisk om livet, kærlighed og vort land. Jeg går også til drama og er også en del af KRK, Kalaallit Røde Korsiat. Den 22. maj skal jeg med til Norge til kulturfestival hvor vi skal danse polka. Min drøm er at blive kok. Lige nu går jeg på Piorsaavik”, siger Maria Ignatiussen.

Gundine Kalia på 26 år går også på Piorsaavik.

”Jeg ved ikke hvad jeg vil i fremtiden. Vi plejer at tage hen til ungdomskulturhuset og spille kalaha eller kortspil. Jeg kan godt lide at sy. Jeg har syet bordskånere. Det er dejligt at mødes med andre unge. Vi kommer her hver uge”, siger Gundine Kalia.

Fejringen af ungdomskulturhuset fortsatte om aftenen i forsamlingshuset, hvor der var underholdning, musik, dans og skuespil.

Hvad mener du om Lufthavnene? Du har op til 6 svarmuligheder

View Results

Indlæser ... Indlæser ...

Kalaallit Nunaat namminersornissaa kissaatigaajuk? - Ønsker du at Grønland skal være selvstændig?

View Results

Indlæser ... Indlæser ...