Aqqa Samuelsen: Qeqertarsuup Tunuani angallanneq ineriartuutaasussamut saatsinneqarli

Aqqa Samuelsen

🇩🇰↓🇬🇱 Vend trafikken i Diskobugten så den stiler mod udvikling

🇬🇱Qinikkatut Qeqertarsuup Tunuani angallannikkut pissutsit taamaatsillugit ataqatigiinnginnerat kipiluttunarnerilu naammagiinnarneqarsinnaanngitsutut oqaatigisariaqarpoq.
Qeqertarsuup Tunuani angallannikkut pissutsit ataqatigiinnginnerat kipiluttunarnerilu Naalakkersuisut paasisinnaanerpaat?
Sooruna Qeqertarsuup Tunuani angallannikkut pissutsit pitsanngorsaavigissallugit Naalakkersuisut timitaleerusuffiginngikkaat?
Ullumikkut Qeqertarsuup Tunuani inunnik angallassinerup inissisimanera ataqatigiinngilluinnarpoq, naalakkersuinikkullu piaartumik iliuuseqarfigineqartariaqalerluni.
Qeqertarsuup Tunuani angallassineq eqqarsaatigissagaanni maajimiit silaannakkut angallanneq unitsinneqartarpoq, kiisalu sinersortaat Sarfaq Ittuk Kangaatsiamut Qasigiannguanullu tikisinneqartarunnaavinnikuulluni. Qeqertarsuaq ukiakkut taamaallaat tikinneqartalerpoq. Ukiut 20-it siuliinut sanilliutissagaanni ullumikkut Qeqertarsuup Tunuani angallannikkut pissutsit pitsaanngoriartorsimanngillat, maannakkullu ineriartuutaasussamut alloriaqqittoqartariaqalerluni.
Aasakkut silaannakkut angallannerup atorunnaarsinneqarnikuunerata kingunerisaanik ungasinnerusumut, soorlu Ilulissaniit avannamut kiisalu Aasianniit kujammut angallannerup ataqatigiinnerusumik aaqqissuunneqarnissaa pisariaqarluinnarpoq. Qeqertarsuup Tunuani angallannikkut ataqatigiissaarinerup pitsaannginnera pissutigalugu amerlasuutigut unnueqqaartariaqarneq pisariaqartarpoq,  tamannalu angalasunut ataasiakkaanut annertuumik aningaasartuuteqarujussuarnermik kinguneqartarluni. Nalinginnaasumik unnuineq 1.000 kr. sinnerlugit akeqakkajuttarpoq, inummut ataatsimut unnuineq ataaseq eqqasaatigalugu. Angalanermut billetsit akii qaffasereeqisut saniatigut unnuinermut nerisaqarnermullu aningaasartuutinut inuit ataasiakkaat akileerujussuaqqaarlutik artukkerneqartarnerat killeqartariaqalerpoq. Innuttaasut ajornaannerusumik angalalertorsinnaanissamut pisinnaatitaaffeqartariaqarput.
Ullumikkut inuppassuit Disko Linep angallatai mikisut ullutsinnut aammalu avatangiisimut silamullu imaannaanngissinnaasunut naleqqutinngitsut atorlugit silaannakkut immakkullu angalasariaqartarput. Angallanneq pitsanngorsarneqassappat timmisartut umiarsuillu avatangiisimut pinngortitamullu imaannaanngissinnaasumut naleqqunnerusut atorneqalernissaannut Naalakkersuisut pilersaarusiortariaqarput aningaasaliillutillu.

Disko Linep maannakkutut isikkoqartillugu Qeqertarsuup Tunuani angallanneq kivissinnaanngikkaa uppernarsereerparput. Angallannikkut kiffartuussinissamik isumaqatigiissutit ukiup tulliata naanerani atorunnaartussaassapput, 2021-miillu atuuttussat nutarterneqartussanngorlutik. Angallannikkut pitsaanerusumik ataqatigiinnerusumillu aaqqissuussisoqarnissaa piffissanngorpoq. Disko Linep suliaq tamakkiisumik kivissinnaanngippagu, innuttaasullu toqqissisimasumik angalasinnaanissaat qulakkeersinnaanngippagu Disko Line atorunnaarlugu allatut aaqqiisoqarsinnaanera tunuarsimaarfigineqartariaqanngilaq.
Aamma innuttaasut angallannikkut atugarisaat pitsanngorsaaqataaffigeruppagut. Angallannikkut pissutsit taamaatsillugit aaqqiviginissaat suleqatigiilluta akisussaaffigissavarput.
Angallannikkut pissutsit pitsaasuunnginnerat inuiaqatigiinni annaasaqaataareersoq tassunga killittariaqarneranik innuttaasut oqariartuuteqarput.
Maanna mittarfissuit sanaartorneqarnissaat piviusunngortinneqartussanngorpoq. Nunatta sineriaata sinnerani angallannerup ataqatigiinnerusumik aaqqissuunneqarnissaanut pilersaarutinik erseqqinnerusunik Naalakkersuisut innuttaasunut saqqummiussisariaqalerput.
Naggataatigut Qeqertarsuup Tunuani innuttaasut toqqissisimallutik angalasinnaalernissaat qulakkeerniarlugu, Sarfaq Ittuk Qeqertarsuup Tunuani illoqarfinnut tamanut tikittaleqqissinnaanera innuttaasut oqariartuutaat Naalakkersuisut tusaatissatut tiguinnarnagu iliuuseqarfigisariaqarpaat. Taamaaliornikkut takornariat kisimik pitsanngorsaavigineqaratik, pingaarnertulli innuttaasut nunaqavissut qitiutillugit pitsanngorsaavigineqassapput.

🇩🇰Som folkevalgt må man betegne de nuværende trafikforhold i Diskobugten som anstrengende og utilfredsstillende.
Kan Naalakkersuisut forstå de ukoordinerede og anstrengende trafikforhold i Diskobugten?
Hvorfor vil Naalakkersuisut ikke forbedre trafikforholdene i Diskobugten?
I dag er der ingen koordineret trafikstruktur på passagertransporten i Diskobugten, og det må man uden yderligere forsinkelse gøre noget ved fra det politiske hold.
I Diskobugten indstilles flytrafikken fra maj måned, ligesom passagerskibet Sarfaq Ittuk ikke anløber Kangaatsiaq og Qasigiannguit. Qeqertarsuaq får anløb i efterårsmånederne. Hvis man skal sammenligne forholdende for forhold der var i de forgangne 20 år, er der ikke sket trafikale forbedringer i Diskobugten, hvorfor tiden er kommet til, at man vende forholdende så de gavner udviklingen.
Eftersom flytrafikken indstilles om sommeren, er det nødvendigt at trafikken mod Ilulissat og nord samt til Aasiaat og syd bliver struktureret mere koordineret. På grund af dårlig koordineret trafikstruktur i Diskobugten, er overnatning en nødvendighed undervejs for mange af passagererne, hvilket medfører store udgifter for de enkelte passagerer. Normalt koster en overnatning over 1.000 kr. pr. person. Der må sættes en stopper for at folk skal have store belastende udgifter til kost og logi ud over udgifterne til selve rejsen. Folk bør have ret til at skulle rejse mere smidigt og mindre tidskrævende.
I dag rejser mange mennesker på Diskolines små og utidssvarende fartøjer som hverken passer til miljø og vejrforhold. Hvis befordringen skal forbedres, må Naalakkersuisut lægge planer for og afsætte midler til fly og skibe der mere passer til miljøet og vores barske natur.
Vi har konstateret at Diskoline ikke magte at løfte passagerbefordringen med sin nuværende kapacitet. Servicekontrakterne for passagerbefordringen ophører ved udgangen af næste år, og nye kontrakter skal gælde fra og med 2021. Tiden er komet til, at der sker løsninger der både er bedre og mere sammenhængende. Hvis Diskoline ikke magter at løfte hele opgaven, og ikke kan sikre tryg befordring for befolkningen, skal man ikke være tilbageholdende med at fravælge Diskoline og indgå aftaler med andre aktører.
Vi ønsker også at kunne tilbyde vores borgere bedre trafikforhold. Vi må alle samarbejde om at forbedre de nuværende trafikforhold.
Vi må melde ud til borgerne at de dårlige trafikforhold som har medført tab for samfundet standses.
Man er nu i færd med at realisere anlæggelsen af store lufthavne. Naalakkersuisut må over for borgerne præsentere mere sammenhængende og koordinerede overordnede trafikplaner.
Afslutningsvis opfordrer jeg til, at Naalakkersuisut ikke blot nøjes med at tage Diskobugtborgernes ønske om mere trygge trafikale rammer i form f anløb af Sarfaq Ittuk på alle Diskobugtbyerne, men at de gør en reel indsats for at realiserer dette.  Dette vil ikke kun være til gavn for turisterne, men dette vil sikre vores borgere reelle forbedringer.

Hvad mener du om Lufthavnene? Du har op til 6 svarmuligheder

View Results

Indlæser ... Indlæser ...

Kalaallit Nunaat namminersornissaa kissaatigaajuk? - Ønsker du at Grønland skal være selvstændig?

View Results

Indlæser ... Indlæser ...
Translate »