§ 37 Aqqa Samuelsen: Apeqquteqaat / Spørgsmål – Sejlførende fartøjer

🇩🇰↓🇬🇱Inatsisartut Suleriaasianni § 37 imm. 1 naapertorlugu Naalakkersuisunut apeqqut imaattoq matumuuna saqqummiuppara.

Naalakkersuisunut apeqqutit:

  1. Angallatit tingerlaataannarsortut Nunatsinnut tikissagunik inatsisitigut suut piumasaqaataappat?
  2. Ukiut kingulliit qulit ingerlaneranni angallatit tingerlaataannarsortut Nunatsinnut tikittartut qanoq amerlatiginersut paasissutissiissutigineqarsinnaappat? a.Nunamiit suminngaanniit aggersuusarnerat ilisimasaqarfigineqarpa?
  3. Angallatit tingerlaataannarsortut suna siunertaralugu Nunatsinnut tikittarnersut ilisimasaqarfigineqarpa?
  4. Angallatit tingerlaataannarsortut Nunatsinnut tikittartut nakkutigineqarnerat kikkut akisussaaffigaat?
  5. Angallatit tingerlaataannarsortut Nunatta karsiata qanoq annertutigisumik isertitaqaatigisarpai?
  6. Angallatit tingerlaataannarsortut pillugit Nunatsinni angalaarneranni, Nunarpullu qimattussanngoraangassuk nakkutilliinissamut Naalakkersuisut periusissiaqarpat?
  7. Angallatit tingerlaataannarsortut Nunatta karsiata isertitaqaatiginerusalernissaanut Naalakkersuisut qanoq pilersaaruteqarpat?
  8. Angallatit tingerlaataannarsortut pillugit Nunatsinni nakkutilliinerup sukaterneqarnissaanut Naalakkersuisut qanoq pilersaaruteqarpat? a. Nakkutilliineq sukaterneqassappat tamanna Nunatta karsianut aningaasanngorlugu qanoq naleqassava?

(Inatsisartunut ilaasortaq Aqqa Samuelsen, Inuit Ataqatigiit)

Tunngavilersuut

Nunatsinni imartarput isorartoorsuuvoq angallavigineqarneralu nakkutigilluarneqartariaqarluni. Ukiuni kingullerni angallatit tingerlaataannarsortut Nunatsinnut tikittartut amerliartortutut isikkoqarput. Nunatta avataaniit soqutigineqarnera soorunalimi pitsaasuuvoq. Taamaattorli angallatit tingerlaataannarsortut nakkutigineqarnerat pillugit erseqqissumik Naalakkersuisut tungaannit akissuteqartoqarnissaa kissaatiginarpoq.

Angallatit tingerlaataannarsortut ullorpassuarni ilaatigullumi inoqarfinni ukiisarnerat takornartaajunnaarpoq. Qularnanngitsumik arlaannik siunertaqarlutik Nunatsinnut tikittarput. Taamaattumik angallatit tingerlaataannarsortut nakkutigineqarnerat pillugu erseqqinnerusumik paasisaqarfigerusuppara. Aamma angallatit tingerlaataannarsortut sulerisarnersut innuttaasut ilisimasaqarfigerusuppaat paasisaqarfigerusuttarlugillu.

Angallatit tingerlaataannarsortut Nunatta karsiata qanoq annertutigisumik iluanaarutigisarnerai ilisimasaqarfigisariaqarpoq, arlaatigullu Nunatta karsiata isertitaqaatiginerunissaanut pilersaaruteqartoqartartoq isumaqarlunga. Angallatit tingerlaataannarsortut qularnanngitsumik aningaasartuuteqarujussuarlutik Nunatsinnut angalasarput. Tamakkua Nunatta karsiata iluanaarutiginerulissappagit nakkutilliinerup sukaternissaanut Naalakkersuisut pilersaaruteqartariaqartut isumaqarpunga.

Ullut sulliviit qulit naliginnaasut iluanni apeqqutinnut akissutit tigunissaannut qilanaarpunga.

🇩🇰Med henvisning til Inatsisartut’s forretningsorden § 37 stk. 1, fremsætter jeg følgende spørgsmål til Naalakkersuisut:

Spørgsmål til Naalakkersuisut:

  1. Hvilke krav stilles der til sejlførende fartøjer, der sejler ind i de grønlandske farvande?
  2. Kan der gives oplysning om, hvor mange sejlførende fartøjer, der på de seneste 10 år har anløbet Grønland? a. Kender man disse sejlførende fartøjers oprindelsessted?
  3. Kender man nogen årsag til, om hvorfor disse sejlførendefartøjer har besluttet sig for at tage til Grønland?
  4. Hvilken instans har ansvaret for kontrollen af disse sejlførende fartøjer?
  5. Hvor mange indtægter oppebærer Grønland, ift. anløbet at disse sejlførende fartøjer?
  6. Har Naalakkersuisut fastsat nogle bestemmelser ift. kontrol foranstaltninger om, på hvilke grundlag og last disse anløber eller forlader Grønland?
  7. Har Naalakkersuisut planer om at foreslå bestemmelser om, på hvilke grundlag Landskassen kan bibringes flere indtægter fra disse sejlførende fartøjer?
  8. Hvilke planer har Naalakkersuisut ift. at stramme bestemmelserne omkring bestemmelserne for disse sejlførende fartøjers anløben og afrejse fra Grønland? a. Såfremt man da agter at stramme op omkring disse bestemmelser, har man da regnet ud, hvor meget dette ville kunne indbringe Landskassen?

(Medlem af Inatsisartut Aqqa Samuelsen, Inuit Ataqatigiit)

Begrundelse:

Vort land Grønland har en vidtstraks kystlinie og der bør være kontrol med hvilke fartøjer, der jævnligt anløber landet. I de seneste år har det set ud til, at antallet af de fartøjer der anløber landet ift. de nævnte fartøjer, er steget mærkbart. Selvfølgelig er det i princippet ikke skadeligt, at interessen for vort land bliver større. Men alligevel synes jeg, at der at mangel på kontrol af de sejlførende fartøjer, der jævnligt anløber landet. Det kunne derfor være ønskeligt at vide mere om Naalakkersuisut’s holdning ift. de nævnte fartøjer.

Nogle af de sejlførende fartøjer, har i de seneste år overvintret forskellige steder tæt ved de beboede steder. Man kan have sine formodninger om, at de har et formål med at sejle hertil og blive her i landet. Derfor vil jeg gerne vide mere om, på hvilke grundlag man evt. agter at holde større kontrol med sådanne sejlførende fartøjer. Generelt mener jeg, at mange borgere ønsker at vide mere om hvorfor disse sejlførende fartøjer kommer her til landet.

Derfor er det ønskeligt at vide mere om, hvor meget disse sejlførende fartøjer bibringer indtægter til Landskassen? Man kan også forestille sig, at de nævnte fartøjer har påført sig betydelige udgifter, ved at tage her til landet. Såfremt den grønlandske Landskasse skal have større indtægter fra sådanne fartøjer, mener jeg, at der bør strammes op på kontrollen samt reglerne omkring de nævnte fartøjer.

Jeg forventer, at svarene på mine spørgsmål, besvares inden for de sædvanlige 10 dage.



Hvad mener du om Lufthavnene? Du har op til 6 svarmuligheder

View Results

Indlæser ... Indlæser ...

Kalaallit Nunaat namminersornissaa kissaatigaajuk? - Ønsker du at Grønland skal være selvstændig?

View Results

Indlæser ... Indlæser ...