Perorsaanermik Ilinniarfik/Socialpædagogisk Seminarium Ilulissaniittoq pulaarneqarpoq

📷Naalakkersuisut

🇩🇰↓Besøg i Ilinniarfik/Socialpædagogisk Seminarium

🇬🇱Naalakkersuisup Ane Lone Baggerip Perorsaanermik Ilinniarfik/Socialpædagogisk Seminarium Ilulissaniittoq pulaarpaa.

Ilinniartitaanermut Naalakkersuisup Ane Lone Baggerip ulloq 5. marts 2019 Perorsaanermik Ilinniarfik/Socialpædagogisk Seminarium Ilulissaniittoq pulaarfigaa.

Oqaloqatigiinniarluni ataatsimiinnermi ilinniartut, ilinniartitsisut ilinniartunillu ilitsersuisartut ilinniarneq ilinniartullu inaanniinneq pillugit oqaatigisassaqarput.

Perorsaanermik Ilinniarfik/Socialpædagogisk Seminarium ilinniagassarpassuarnik neqerooruteqartarpoq. Ilinniarfiup tunngaviusumik inuussutissarsiutinut ilinniartitaanerniit ilinniartitaanernut ingerlaqqiffiusunut ilinniartitaanerit neqeroorutigisarpai. Tamanna isumaqarluni ilinniartorpassuaqartarmat ulluinnarni assigiinngitsunik pisariaqartitsisunik. Kisiannili ilinniartut assigiissutigaat angerlarsimaffimminniit ilinniartut ineqarfiannut nuuttariaqalernerminni isumaginiagassat pitsaanerusumik nassuiarneqartarnissaat kissaatigigamikku. Ilinniartut nalinginnaasumik inigisaminnik attartortitsisinnaanertik imaluunniit ineqarnermut akiliisanngissinnaanertik pillugit pitsaanerusumik paasissutissinneqartarsinnaasimagaluarput.

Ilinniartut Perorsaanermik Ilinniarfiup/Socialpædagogisk Seminariumip Avannaata Kommuneanut suleqatigiinnissamik isumaqatigiissuteqarsimanera nuannaarutigaat, ilinniartut meerallit paaqqinnittarfimmiititsisarnissaat qularnaveeqquserneqarmat sukkasuumillu innersuussisoqarsinnaalermat. Ulluinnaat toqqissisimanarnerulerput tamannalumi pissutaaqataavoq ilinniartut ilinniakkaminnik aallussisinnaanngornerannut.

Ilinniartut aammattaaq nunani allani soorlu Canadami Alaskamilu paaqqinnittarfinni suliffinnik misiliillutik imaluunniit paarlaasseqatigiillutik periarfissarisinnaasaannut tunngatillugu pitsaasunik isummersorput. Tamakkunani ilinniartut immikkut perorsaanermut tunngasunik soorlu ADHD-mut autismemullu tunngasunik annertunerusunik ilisimasaqalersinnaapput.

🇩🇰Naalakkersuisoq Ane Lone Bagger besøger Perorsaanermik Ilinniarfik/Socialpædagogisk Seminarium i Ilulissat

Naalakkersuisoq for Uddannelse, Ane Lone Bagger besøgte d. 5. marts 2019 Perorsaanermik Ilinniarfik/Socialpædagogisk Seminarium i Ilulissat. 

Til dialogmødet var der både elever, undervisere og studievejledere, der gerne ville give deres input om studie- og kollegielivet. 

Perorsaanermik Ilinniarfik/Socialpædagogisk Seminarium tilbyder en lang række af uddannelser. Skolen tilbyder fra grundlæggende erhvervsuddannelser til videregående uddannelser. Det betyder, at der er en mangfoldighed af elever, der har forskellige behov i deres hverdag. Men fælles for eleverne var, at de ønskede en bedre gennemgang af de praktiske omstændigheder ved at skulle flytte fra sit hjem og flytte ind på et kollegie. Eleverne ville gerne have haft bedre information om fremleje af deres almene bolig eller mulighed for huslejefritagelse. 

Eleverne var glade for den samarbejdsaftale, som Perorsaanermik Ilinniarfik/Socialpædagogisk Seminarium har lavet med Avannaata Kommune, der betyder, at elever med børn har institutionsgaranti og der sker en hurtig visitering. Det skaber en øget tryghed i hverdagen og er medvirkende til, at eleverne kan koncentrere sig om deres uddannelse. 

Eleverne havde også gode ideer i forhold til mulighed for praktik eller udvekslingsmuligheder ved institutioner i udlandet som Canada og Alaska. Her ville eleverne kunne opnå større viden inden for specialpædagogiske områder som ADHD og autisme.

Hvad mener du om Lufthavnene? Du har op til 6 svarmuligheder

View Results

Indlæser ... Indlæser ...

Kalaallit Nunaat namminersornissaa kissaatigaajuk? - Ønsker du at Grønland skal være selvstændig?

View Results

Indlæser ... Indlæser ...