Tuluit Nunaata Naalakkersuisuisa Kalaallit Nunaata Tuluit Nunaannut aalisakkat tunisartagai pingaarnerit akitsuusersornianngilaat

🇩🇰↓Storbritanniens regering pålægger ikke afgifter på Grønlands vigtigste fiskeprodukter til Storbritannien

🇬🇱Pingasunngornermi marsip 13-anni 2019 Tuluit Nunaata Naalakkersuisuisa nioqqutissat eqqussuunneqartut akitsuutigigallagassat allattorsimaffiannik saqqummiussaqarput, taannalu nioqqutissanut eqqussuussanut atuutissaaq, Tuluit Nunaata EU-mut Brexit pillugu isumaqatigiissuteqassanngippata – taaneqartartumik No Deal Brexit. Kalaallit Nunaata raajanik saarullinnillu nioqqutissiai allattugaatinut ilaanngillat, tamannalu No deal Brexit piviusunngussappat Tuluit Nunaata Inatsisartuinit akuersissutigineqassaaq. Ima paasineqassaaq: Tuluit Nunaata Raajanik Saarullinnillu tunisassianik Kalaallit Nunaanneersunik akitsuusersuinissaq pilersaarutiginngikkaat. Taamaalilluni Kalaallit Nunaata Tuluit Nunaannut ukiumut tunisartagai 700 mio. kr. sinnerlugit annertutigisut allattugaatit atuutilerneranit ukioq siulleq akisunerulersitsisumik akitsuuserneqassanngillat. 

Illuatungaani EU-p Tuluit Nunaatalu Brexitimut isumaqatigiissutissatut siunnersuutaanni akuerineqassappat Kalaallit Nunaata aalisakkatigut nioqqutissiaasa 2020-p naanerata tungaanut akitsuusersorneqassanngillat. 

Tuluit Nunaata Kalaallit Nunaatalu niuernikkut ataavartumik isumaqatigiissuteqarnissaq anguniarlugu Naalakkersuisut sulinertik ingerlatiinnassavaat, naak piffissami siullermi Kalaallit Nunaata Tuluit Nunaannut tunisassiaanut akitsuusersuinnginnissaq siunniussaagaluartoq. 

Ilinniartitaanermut, Kultureqarnermut, Ilageeqarnermut, Nunanullu allanut Naalakkersuisoq Ane Lone Bagger ima oqaaseqarpoq: 
”Kalaallit Nunaata raajanik saarullinnillu tunisassiaasa Tuluit Nunaanni akitsuusersorneqarnissaannut ilaannginnera ineriartorneruvoq pitsaasoq, naak aalisakkanik tunisassianik allanik akitsuusersoneqartussanik peqartoq. Taamaalilluni ukiumi tulliuttumi Kalaallit Nunaata Tuluit Nunaannut tunisassiaasa maannakkutut unammilleqatigiinnermi ajornerusumut inissittussaanngitsut takuneqarsinnaavoq, akitsuutinimmi akitsorsaataasinnaasunik inissiisoqanngimmat. Tuluit Nunaata Kalaallit Nunaatalu niuernikkut ataavartumik isumaqatigiissuteqarnissaq anguniarlugu Naalakkersuisut sulinertik ingerlatiinnassavaat, taamaalillunilu Kalaallit Nunaata Tuluit Nunaannut attaveqaqatigiinnerat.”

🇩🇰Onsdag den 13. marts 2019 offentliggjorde Storbritanniens regering en liste over midlertidige importafgifter på varer, som vil blive påført importafgifter ved et Brexit uden aftale med EU – den såkaldte No Deal Brexit. Grønlandske rejer og torsk er ikke omfattet af listen, som vil skulle vedtages af Storbritanniens parlament i tilfælde af No Deal Brexit. Det betyder, at Storbritannien ikke planlægger afgifter på de grønlandske rejer og torsk. Derved vil Grønlands eksport til Storbritannien på mere end 700 mio.kr. om året ikke blive ramt af fordyrende afgifter i det første år efter listens vedtagelse.

I det modsatte tilfælde, hvor Brexit-aftaleudkastet mellem EU og Storbritannien vedtages, vil Grønlands fiskeriprodukter have fortsat afgiftsfri adgang til Storbritanniens marked indtil udgangen af 2020. 

Naalakkersuisut vil fortsætte med at arbejde for permanente aftaleforhold mellem Grønland og Storbritannien på handelsområdet, selvom der i første omgang ikke kommer afgifter på grønlandske varer som eksporteres til Storbritannien.

Naalakkersuisoq for Uddannelse, Kultur, Kirke og Udenrigsanliggender Ane Lone Bagger udtaler:
”Det er en meget positiv udvikling, at grønlandske reje- og torskeprodukter ikke er omfattet af importafgiftspakken præsenteret i Storbritannien, selvom nogle andre fiskeprodukter er. Det gør, at grønlandske produkter i det næste års tid ser ud til, at kunne fortsætte med at være konkurrencedygtige på Storbritanniens marked, da produkterne ikke pålægges fordyrende afgifter. Fra Naalakkersuisuts side vil vi fortsætte med at arbejde for en permanent løsning for vore produkter i Storbritannien og udvikle Grønlands forhold med Storbritannien.”

Hvad mener du om Lufthavnene? Du har op til 6 svarmuligheder

View Results

Indlæser ... Indlæser ...

Kalaallit Nunaat namminersornissaa kissaatigaajuk? - Ønsker du at Grønland skal være selvstændig?

View Results

Indlæser ... Indlæser ...
Translate »