§ 37 Aqqaluaq: Apeqquteqaat / Spørgsmål – Lufthavne

🇩🇰↓🇬🇱Inatsisartut Suleriaasianni § 37 imm. 1 naapertorlugu Naalakkersuisunut apeqqut imaattoq matumuuna saqqummiuppara.

Naalakkersuisunut apeqqut:

  • Qaqortup eqqaani mittarfittaarnissamut atatillugu innuttaasut kujataamiut neriorsorneqarnikuupput mittarfissaq angalanerup akikinnerulerneranik kinguneqarumaartoq. Taama neriorsuuteqarneq naatsorsuinertigut missingersuutitigullu qanoq tunngaveqarpa?
  • Sinerissami mittarfiit pioreersut sorliit mittarfittut piunerannik annikillisaaffigineqassappat?
  • Kangerlussuarmi Narsarsuarmilu mittarfeqarfiit iluanaarutaasigut mittarfinnut amigartoorfiusunut nammaqataanerat  ”matussusiisarnerat” atorunnaarpata tamanna qanoq aningaasatigut naleqassava?
  • Kiffartuussinermik isumaqatigiissuteqariaaseq qanoq ittoq Naalakkersuisuniit pilersinniarneqarpa?
  • Naalakkersuisut uppernarsarsinnaavaat Kalaallit Airport-ip piginnittuuffigisassarinngisaanni mittarfiit sorliit iluanaaruteqarfiusalissanersut?
  • Upernavimmut Upernavimmiillu silaannakkut inunnik assartuineq billet-it akiisigut nammaqatigiiffiusoq siunissami Kalaallit Airport-ip ingerlatsilernerata kingorna akisunerulissanngitsoq Naalakkersuisut uppernarsarsinnaavaat?
  • Tamakkiinerusumik nunatsinni inunnik silaannakkut assartuussineq pillugu politikkikkut piumasaqaatit suut Naalakkersuisuniit naqissuserneqarsimappat?

(Inatsisartuni ilaasortaq Aqqaluaq B. Egede , Inuit Ataqatigiit)

Tunngavilersuut:

Mittarfissat pilersinneqarnissaat pillugu aalajangiinerup sunniutissai pillugit Naalakkersuisut eqqanaarsaatinik pitsanngorsaatissanillu siunissami anguniagassanik oqaluinnaratik pisortatigoortumik qanoq qulakkeerinnissimanersut paasisaqarfiginiarlugit apeqqutit ingerlatippakka.

Kissaatigivara apeqqutikka ullut suliffiusut qulit qaangiutinnginneranni akineqarnissaat.

🇩🇰I medfør af § 37 stk. 1 i forretningsorden for Inatsisartut fremsætter jeg følgende spørgsmål til Naalakkersuisut:

Spørgsmål til Naalakkersuisut:

  • I forbindelse med planerne for en lufthavn i Qaqortoq er borgerne blevet lovet, at dette vil medføre billigere flypriser. Hvilken beregning og budgettering danner grundlag for sådan et løfte?
  • Hvilke eksisterende lufthavne ude på kysten vil blive neddroslet som lufthavne?
  • Hvad vil det betyde for økonomien, når overskudene i Kangerlussuaq og Narsarsuaq ikke længere vil blive brugt til at “dække for” underskudene i de underskudsgivende lufthavne?
  • Hvilken form for servicekontrakter vil Naalakkersuisut etablere?
  • Kan Naalakkersuisut bevise, hvilke lufthavne som Kalaallit Airport ikke har andel i, som vil få overskud?
  • Kan Naalakkersuisut bevise, at lufttrafikken til og fra Upernavik hvor billetterne er  subsidierede ikke bliver dyrere under Kalaallit Airports drift?
  • Hvilke politiske krav for en mere helhedsorienteret passagertrafik er understreget af Naalakkersuisut?

(Medlem af Inatsisartut, Aqqaluaq B. Egede , Inuit Ataqatigiit)

Begrundelse:

Naalakkersuisut ytrer sig kun verbalt om hvad man vil sikre og hvilke forbedringer beslutningen om lufthavnsbyggerierne vil have, og jeg vil derfor gerne have konkrete administrative oplysninger om hvordan de sikrer disse ting, og stiller derfor disse spørgsmål.

Jeg ønsker at mine spørgsmål må blive besvaret indenfor 10 arbejdsdage.  

Hvad mener du om Lufthavnene? Du har op til 6 svarmuligheder

View Results

Indlæser ... Indlæser ...

Kalaallit Nunaat namminersornissaa kissaatigaajuk? - Ønsker du at Grønland skal være selvstændig?

View Results

Indlæser ... Indlæser ...
Translate »