🇩🇰 ↓Royal Arctic Line har budt på søtransporten for US Air Force på Thule basen
🇬🇱Amerikami illersornissamut ministereqarfiup amerikamiut ingerlatsiviat Schuyler Line Navigation Company ukiuni tullerni marlunni ingerlatsisussatut toqqarsimavaa. Ingerlatsiviup aamma taassuma kingullermik neqeroortitsisoqarmat ingerlaarfissaq pissarsiaraa.
Royal Arctic Linep neqeroorutaa pissutsit marluk pillugit tiguneqanngilaq: Ilaatigut nalilerneqarpoq Royal Arctic Linep issittumi tassani ingerlatsisinnaanerminut tunngavigisai naammanngitsut. Ilaatigut aamma pissutigitinneqarpoq Royal Arctic Linep neqeroorutaata umiarsuarnik amerikamiunut attuumassuteqanngitsunik tunngaveqarnera. Attuumassuteqarnissaq illersornissamut ministereqarfiup ilitsersuutaani 4500.57-imi, immikkoortumi 6.4-imi piumasaqaataavoq, taamalu sullissisussanik toqqaaniarluni tulleriiaarinermi appasinnerit ilaattut Royal Arctic Line aallaqqaataaniilli inissisimalluni.
Royal Arctic Linep ukiuni tulliuttuni marlussunni uppernarsaatit pisariaqartut teknikikkullu upalungaarsimanerit Amerikami illersornissamut ministereqarfimmut 100 procentimik piareersimanissaat qulakkeerniarpai, taamaaliornikkut Qaanaap eqqaani pissusiviusut teknikikkullu tunngaviusut aallaavigalugit suleqatigiissinnaaneq pilersinneqarsinnaassammat.
Amerikamiut taamatut aalajangernerat Royal Arctic Linep aningaasatigut ingerlatsinermigut angusassatut naatsorsuutaanut sunniuteqassanngilaq niueqatigiinneq eqqarsaatigalugu teknikikkut aporfiup DoD 4500.57-ip immikkoortoq 6.4-p neqeroorutitsinnut aallaqqaataaniilli annertuumik qulartitsinera ilisimareeratsigu.
Tassunga tunngasumik annertunerusumik oqaasissaqanngilagut.
Verner Hammeken
Pisortaaneq/CEO
Royal Arctic Line A/S
Pituffimmut assartuinermi isumaqatigiissut amerikamiunut tunniuteqqinneqarpoq
🇩🇰Det amerikanske forsvarsministerium har valgt det amerikanske selskab Schuyler Line Navigation Company for de næste 2 år. Dette er det samme selskab som vandt sidste gang dette var i udbud.
Royal Arctic Lines tilbud blev fravalgt af 2 årsager: Dels var vurderingen at beskrivelsen af Royal Arctic Lines evne til at operere i de relevante arktiske områder ikke var tilstrækkelig. Dels var Royal Arctic Lines tilbud baseret på skibe uden amerikanske interesser, som stipuleret i forsvarsministeriets instruktion 4500.57, sektion 6.4 og dermed allerede i den proces i laveste prioritet for udvælgelse.
Royal Arctic Line vil i de næste par år sikre, at den fornødne dokumentation samt tekniske beredskab er gjort 100% klart for det amerikanske forsvarsministerium således, at vi på et faktuelt og teknisk grundlag kan få skabt en basis for et samarbejde i Qaanaaq området.
Afgørelsen har ikke nogen indflydelse på Royal Arctic Lines forventede driftsresultat da den tekniske handelshindring i DoD 4500.57 sektion 6.4 allerede gjorde vort bud meget usikkert.
Der er ikke yderligere kommentarer til dette.
Verner Hammeken
CEO
Royal Arctic Line A/S
Indlæser ...