🇩🇰↓Naalakkersuisut vil fremme det nordiske samarbejde og erhvervsudvikling i Grønland
🇬🇱Nunani Avannarlerni Suleqatigiinnermut Naalakkersuisoq Vittus Qujaukitsoq aamma Inuussutissarsiornermut Nukissiuuteqarnermullu Naalakkersuisoq Aqqalu Jerimiassen, Nunanut Allanut Naalakkersuisoqarfillu 28. marts 2019-imi Katuami Nuummiittumi nunani avannarlerni suleqatigiinneq aamma Kalaallit Nunaanni inuussutissarsiutinik ineriartortitsineq pillugit Nunanik Avannarlernik Isumasioqatigiissitsissapput.
Naalakkersuisut nuannaarutigaat ukioq mannattaaq Kalaallit Nunaanni Nunani Avannarlerni suleqatigiit pingaarutilimmik ataatsimiittussaammata.
” Kalaallit Nunaata nunat avannarliit suleqatigiinnerannut peqataanera Kalaallit Nunaannut nunanut allanut tunngasunik naalakkersuinikkut ingerlatsinermut aallaaviuvoq, tassuuna naalakkersuinikkut apeqqutit pisariaqalersut oqallisissanngortinneqartarmata. Tamakku ilaatigut tassaapput killeqarfinni akimmisaarutaasartut, suliffeqarneq, ilinniartitaaneq, inuussutissarsiorneq takornariaqarnerlu ”, Aningaasaqarnermut Nunanilu Avannarlerni Suleqatigiinnermut Naalakkersuisoq Vittus Qujaukitsoq oqarpoq.
” Ukiuni makkunani Kalaallit Nunaanni suliffeqarfiit ineriartorteqqinneqarnissaat pingaaruteqarpoq isumasioqatigiinnerlumi taanna Naalakkersuisut inuussutissarsiutinik siuarsaaniarlutik naalakkersuinikkut ingerlatsinerannut kusanarluinnartumik tapertaassaaq. Aatsaat nunarsuarmioqatitsinnik oqaloqateqartarutta nunatsinni suliffeqarfiit ataatsimoorluta aningaasaqarnermut tunngatillugu siunissatsinnut toqqammaviliisinnaapput ”, Aqqalu Jerimiassen erseqqissaavoq.
Nunat Avannarliit Suleqatigiinneranni suliffeqarfiit ukiumoortumik Nunat Avannarliit Isumasioqatigiinneranni, naalakkersuisoqarfinnit pingasunit, Aningaasaqarnermut Nunanilu Avannarlerni Suleqatigiinnermut Naalakkersuisoqarfimmit, Inuussutissarsiornermut Nukissiuuteqarnermullu Naalakkersuisoqarfimmit taamatullu Nunanut Allanut Naalakkersuisoqarfimmit, aaqqissuunneqartumi pingaarnertut qulequtaavoq.
Nunani Avannarlerni Suleqatigiinnermut Naalakkersuisut nunani allani suleqatigiinneq aamma Nunani Avannarlerni inuussutissarsiutit samminiarpai. Nunat avannarliit Kalaallit Nunaanni nunanilu avannarlerni allani ineqarnermut, inuussutissarsiutinut inuiaqatigiinnullu atortulersuutinut namminersortut aningaasaliisalernissaannut taarsigassarsinikkullu aningaasaliisarnissamut pitsaasunik periarfissiinissamut ikiuussinnaappat?
Nunani Avannarlerni Suleqatigiinnermut Naalakkersuisoq, Vittus Qujaukitsoq isumasioqatigiinnermik aallarniisuussaaq Kalaallit Nunaatalu Nunani Avannarlerni Ministerit Siunnersuisoqatigiivisa sulinerannut peqataanera aamma Kalaallit Nunaata, 2020-mi Nunani Avannarlerni ministerit siunnersuisoqatigiivinut danskit siulittaasuunerata ilaatut, 2020-mi siulittaasuusinnaanera oqalugiaatigissallugit.
Inuussutissarsiornermut Nukissiuuteqarnermullu Naalakkersuisoq Aqqalu Jerimiassen nutarterineq annertusaanermillu naalakkersuinikkut ingerlatsineq pillugit oqalugiassaaq.
Ukioq manna tikeraatut oqalugiartussanut ilaapput Senior Director Søren Kjær Mortensen Nordisk Investeringsbankimeersoq, Eqqartuussissuserisoq Henrik Græsdal Elmann Advokat partnerselskabimeersoq, Pisortaq Sverri Hansen Vestnordenfondenimeersoq Komitemut ilaasortaq Per Buhl Nordisk Atlantsamarbejde-meersoq (NORA). Isumasioqatigiinnerup ingerlanissaanut pilersaarut ilanngussatut ilanngunneqarpoq.
Nunat Avannarliit 2019-imi isumasioqatiginnerat Katuamit Nuummiittumit qarasaasiat aqqutigalugit toqqaanartumik isiginnaarneqarsinnaassaaq. Malinnaasinnaavusi una attaveqarfissaq toorlugu:https://digitalimik.adobeconnect.com/nordiskseminar2019/
Erseqqinnerusunik paasisaqarusuttut immikkut siunnersorti Nunanut Allanut Naalakkersuisoqarfimmeersoq Upaluk Poppel attaveqarfigisinnaavaat, [email protected]
🇩🇰Naalakkersuisoq for Nordisk Samarbejde, Vittus Qujaukitsoq og Naalakkersuisoq for Erhverv og Energi Aqqalu Jerimiassen samt Departement for Udenrigsanliggender arrangerer 28. marts 2019 i Kuluturhuset Katuaq i Nuuk, Nordisk seminar om Nordisk samarbejde og erhvervsudvikling i Grønland.
Naalakkersuisut er glade for at Grønland også i år kan være hjemsted for et betydningsfuldt møde imellem samarbejdspartnerne i Norden.
” Grønlands deltagelse i det nordiske samarbejde er en udenrigspolitisk platform for Grønland, hvor man bringer aktuelle politisk spørgsmål frem til debat. Det drejer sig bl.a. om grænsehindringer, arbejdsmarked, uddannelse, erhverv og turisme ”, udtaler Naalakkersuisoq for Finanser og Nordisk Samarbejde Vittus Qujaukitsoq.
” Det er vigtigt at videreudvikle erhvervslivet i Grønland i disse år, og dette seminar understøtter på fineste vis Naalakkersuisuts vækstfremmende erhvervspolitik. Kun i dialog med omverdenen kan det grønlandske erhvervsliv sikre fundamentet for vores fælles økonomiske fremtid ”, pointerer Aqqalu Jerimiassen.
Erhvervslivet i Nordisk Samarbejde er hovedtemaet i det årlige Nordisk Seminar, der er arrangeret af tre departementer, departementet for Finanser og Nordisk Samarbejde, departementet Erhverv og Energi samt departementet for Udenrigsanliggender.
Naalakkersuisut vil med seminaret sætte fokus på det nordiske samarbejde og erhvervslivet i Norden. Kan de nordiske lande bidrage til at skabe gunstige forudsætninger for private investeringer og lånefinansiering til bolig-, erhvervs- og infrastrukturprojekter i Grønland og i de andre nordiske lande?
Naalakkersuisoq for Nordisk Samarbejde, Vittus Qujaukitsoq vil indlede seminaret og holde oplæg om Grønlands deltagelse i Nordisk Ministerråds arbejde og Grønlands formandskabsprojekt i 2020, som en del af det danske formandskab i Nordisk ministerråd 2020.
Naalakkersuisoq for Erhverv og Energi, Aqqalu Jerimiassen vil holde et oplæg om modernisering og vækstpolitik.
Årets gæsteoplægsholdere omfatter Senior Director Søren Kjær Mortensen fra Nordisk Investeringsbank, Advokat Henrik Græsdal fra Elmann Advokat partnerselskab, Direktør Sverri Hansen fra Vestnordenfonden og Komitemedlem Per Buhl fra Nordisk Atlantsamarbejde (NORA). Program for seminaret vedlægges som bilag.
Nordisk seminar 2019 bliver Live-streamet fra Katuaq i Nuuk. I kan følge med ved at trykke på linket: https://digitalimik.adobeconnect.com/nordiskseminar2019/
For nærmere info kontakt specialkonsulent fra Departement for Udenrigsanliggender Upaluk Poppel, [email protected]
Hent programmet for seminar om Nordisk samarbejde og erhvervsudvikling i Grønland
Indlæser ...