🇩🇰 ↓Verdens Sundhedsdag 2019
🇬🇱Ulloq 7. april Nunarsuaq tamakkerlugu peqqissuunermut ullorititaavoq. WHO (World Health Organization) peqqissusermut tunngasut assigiinngitsut malunnartinniarlugit ullormut tunngaviliivoq. Ukioq manna ulloq malunnartinniarneqarpoq imatut paasititsiniaanertalimmik ”Peqqissuseq inuttut pisinnaatitaaffiuvoq; tamanut peqqissuunissaq piffissanngorpoq”, tassani innuttaasunut qanimut peqqinnissakkut sullissineq nunarsuatsinni inunnut tamanut immikkut ukkatarineqarpoq, imatullu oqaasertalerneqarluni:#HealthForAll.
Nunatsinni peqqinnissaqarfik inuiaqatigiinni peqqinnissakkut sullissineq annertuumik kivitseqataaffigaa.
”Peqqinnissaqarfik minnerunngitsumillu peqqinnissaqarfimmi sulisut inuiaqatigiitsinni tunngavileeqataapput. Nunarput taama angitigitillugu, siammasissumik najugaqartilluta aaqqissuussaanikkullu unamminartorsiortilluta peqqinnissakkut sullissineq oqitsuinnaanngilaq. Nunaqarfimmi illoqarfimmiluunniit najugaqaraluarutta nuannaarutigaara naak taamatut ungasitsigigaluarluta peqqinnissaqarfeqaratta innuttaasunut iluaqutaasumik”, taama Peqqissutsimut Naalakkersuisoq Martha Abelsen, oqaaseqarpoq.
WHO-p paasisitsiniaanermi innuttaasup peqqinnissaqarfimmilu sulisut attaveqatigiinnerat atajuarnissaa pingaartitarivaa sulisut innuttaasup oqaluttuassartaanik ilisimaarinninnissaa pingaaruteqarmat. gamiuk. Peqqinnissaqarfiup unammisaata annerpaataat ilaat tassaarpiaavoq napparsimavitsinni peqqissaavimmilu sulisut taarseraannerujussuat nukinik annertuunik atuiffigineqarmat.
”Pisariaqarpoq ullumikkumit allaanerusumik iliuuseqarnissatsinnut periarfissat oqallisigissallugit. Imaassinnaavoq aalajangersimasumik peqqissaasunik eqqortunik piginnaanillit nakorsanik aallartitaasunit, nakorsanit sivikitsuinnarmik atorfeqartuninngarniit, atorfinititsineq pitsaanerusinnaassasoq”, Peqqissutsimut Naalakkersuisoq Martha Abelsen itisiliivoq.
WHO kikkut tamarmik kikkunnut tamanut peqqissuunissaq anguniarnissaanut pingaaruteqarnerat aamma inuttut ataasiakkaatut namminermut ilaquttamullu peqqissuunissaq anguniarnissaanut akisussaaneq aamma ukkataraa.
”Tamanut peqqissuunissaq kikkullu tamarmik peqqissuunissaminnut pisinnaatitaaffeqartut eqqartoraangatsigu, taava peqqinnissaqarfimmi suliaritinnissatsinnut isumalluarneq kisimi ukkatarissanngilarput. Inuinnaalluta, ilaqutariuulluta, atuarfiulluta, suliffeqarfiulluta kommuniullutaluunniit, pujortarunnaarniarutta, timersorneruniarutta, peqqinnarnerusumik nerisaqarniarutta imaluunniit peqqinnarnerusumik atoqateqarniarutta tamatta ataatsimoorluta peqqissumik inooriaaseq siuarsarnissaanut akisussaaffeqarpugut, Naalakkersuisoq Martha Abelsen naggasiivoq.
🇩🇰Den 7. april er det Verdens Sundhedsdag. Det er WHO (World Health Organization), der står bag dagen, som har til formål at markere forskellige emner inden for sundhedsområdet. Dagen markeres i år med kampagnen ”Sundhed er en menneskerettighed; det er tid til sundhed for alle”, der sætter særligt fokus på den primære sundhedsdækning for mennesker i hele verden under sloganet #HealthForAll.
Sundhedsvæsenet i Grønland løfter en stor opgave i at sikre sundhedsbetjening i hele landet .
”Sundhedsvæsenet og ikke mindst dets personale udgør en grundpille for vores samfund. Det er ikke en let opgave at sundhedsbetjene et stort land som vores, hvor vi bor så spredt og er udfordret på infrastrukturen. Om vi bor i en bygd eller en by, så er jeg glad for, at vi på trods af de store afstande, har et sundhedsvæsen, der fungerer til gavn for borgerne”, udtaler Naalakkersuisoq for Sundhed Martha Abelsen.
WHO sætter i kampagnen fokus på, at kontinuitet er vigtigt for relationen mellem borgerne og sundhedspersonalet, idet personalet i højere grad kender borgerens historik. En af sundhedsvæsenets store udfordringer er netop den store personaleomsætning på mange af vores sygehuse og sundhedsstationer, som der bruges mange ressourcer på.
”Det er nødvendigt debattere muligheden for at gøre det anderledes end vi gør i dag. Det kan for eksempel være ansættelse af faste sygeplejersker med de rette kompetencer og under lægelig delegation, frem for læger i korte tidsbegrænsede ansættelser”, uddyber Naalakkersuisoq for Sundhed Martha Abelsen.
WHO sætter også fokus på, at alle har en rolle at spille for at opnå målet om sundhed for alle, og at den enkelte tager ansvar for egen sundhed og for familiens sundhed.
”Når vi taler om sundhed for alle, og at alle har ret til sundhed, så skal vi ikke alene fokusere på den behandling, som vi forventer af sundhedsvæsenet. Uanset om vi er en enkeltperson, en familie, en skole, en arbejdsplads eller en kommune, så har vi et fælles ansvar for at fremme den sunde livsstil, hvad enten det handler om at stoppe med at ryge, motionere mere, spise sundere eller have et sundt sexliv”, afslutter Naalakkersuisoq Martha Abelsen.
Indlæser ...