🇩🇰 ↓Ukorrekte udmeldinger fra Partii Naleraq om fødselsbetjening i Disko-regionen
🇬🇱Sermitsiaq.AG-p nittartakkakkut quppernerani ulloq 3. april 2019 Partii Naleqqap tusagassiuutinut nalunaarutaa issuaavigineqarpoq, tassanilu Jens Napaattuup uanga Aningaasaqarnermut Naalakkersuisutut 2019-mut aningaasanut inatsimmut atatillugu Inuit Ataqatigiit Aasianni ernisarfimmik matusinissamik akuersisillugit uukapaatissimagikkaa pasitsassaarutigaa.
Jens Napaattooq nammineq ilisimariikkani killormut saatillugit oqaluppoq.
Qeqertarsuup Tunuani piffissami sivisuumi nakorsanik aalajangersimasumik atorfeqartussanik sulisussarsiniarneq annertuumik ajornartorsiutigineqarpoq, tassani nakorsat pilattaallutik ernisitsisarnermik immikkut piginnaasallit aanaarnernillu passussisinnaasut kiisalu peqqissaasut sinitsitsinermik immikkut ilisimasaqartut. Immikkut ilinniarluarsimasunik amigaateqarneq taartaagallartunik atorfinitsitsinikkut aaqqiivigineqarsinnaanngitsoq peqqinnissaqarfik naliliivoq. Taamaammat Naalakkersuisut ulloq 30. oktober 2018-imi aaqqiigallarneq akueraat, tamatumalu kingorna aalaakkaasumik sulisut pisariaqartinneqartut atorfinitsinnissaasa tungaannut, ernisussat Qeqertarsuup Tunuaneersut Ilulissani Nuummiluunniit ernisussanngorput. Taamaalilluni aalajangerneq tamanna naartusut meerassaasalu isumannaatsuunissaat kisiat tunngavigalugu pivoq. Aaqqiigallarneq taanna ukiup ataatsip qaangiunnerani nalilerneqassaaq.
Naalakkersuisut aalajangernermut tunngaviata assilineranik Inatsisartut Ilaqutariinnermut Peqqissutsimullu Ataatsimiititaliaat tigusaqarpoq.
Taamaattaarlu tusagassiuutinut nalunaartut, Peqqissutsimut Naalakkersuisoqarfiup ulloq 1. november 2018-imi nassiussaatigut tamanna tamanut ilisimatitsissutigineqarpoq.
Aaqqiigallarneq aningaasartuuteqarnerunermik – tassa sipaaruteqannginnermik! – nassataqarmat, aalajangerneq 2019-imut Aningaasanut Inatsimmut ilaatigut atuinermut, ullormusianut angallassinernullu 1,7 mio. kr.-nik sunniuteqarpoq. Aningaasartuutaanerusoq taanna 2019-imut aningaasanut inatsit pillugu isumaqatigiissummut tunngaviusuni politikikkut isumaqatiginninniarnerni ilaatinneqanngilaq. Tamatuma kingorna aningaasartuutaanerusut Aningaasanut Inatsimmut inatsisissatut siunnersuutip pingajussaaneerneqarnerani allannguutissatut siunnersuutikkut ilanngunneqarput.
Aningaasaqarnermut Akileraartarnermullu Ataatsimiititaliap ilassutitut isumaliutissiissummini allannguutissatut siunnersuut tamanna erseqqilluinnartumik eqqartorpaa, ataatsimiititaliarmi ilaatigut ima allappoq:
”. 20 19-imi konto pingaarnermi 34.12.01 Peqqinnissaqarfiit, nakorsanit sullinneqarneq 1,7 mio. kr.-nik immikkoortitsisoqarnissaanik allannguutissatut siunnersuummik saqqummiussisoqarpoq, tamannalu Nunap immikkoortuani Qeqertarsuup Tunuani Aasianni ulloq 1. februar 2019 aallarnerfigalugu erninissamut periarfissat atorunnaarsikkallarnerata kingunerisaanik pivoq. Tamatumani peqqinnissamik sulisunik naapertuuttunik ilinniagalinnik amigaateqarneq patsisaavoq. Ernisussat utaqqiisaagallartumik Nunap immikkoortuani Avannaani Ilulissanut nuunneqarallassapput. Suliniut piffissalingaanngitsumi atuukkallassaaq sulisussanillu naapertuuttumik ilinniagalinnik sulisussaqalernikkut tigumminniinnarsinnaalernissamullu utaqqiisaagallartumillu aaqqiinerulluni, tamannalu Naalakkersuisut sulissutigissallugu aalajangiuppaat. Taamaammallu aningaasaliissutit 2019-imi suliniutinut ilassutaagallartuupput.”
Ataatsimiititaliami amerlanerussuteqartut aningaasanut inatsimmi partiit akisussaasunit Siumumit, Demokraatinit Inuit Ataqatigiinneersunillu allannguutissatut siunnersuutip akuersissutigineqarnissaa inassutigaat. Partii Naleqqap ataatsimiititaliami sinniisaa – Jens Napaattooq – isumaliutissiissummi inassuteqaammik, akerliliinermik aallatigulluunniit oqariartuummik saqqummiussinngilaq.
Taamaammat Jens Napaattuup maanna allatut ajornartumik pisariaqavissumik Aasianni
Ernisinnaanermik periarfissap ajoraluartumik atorunnaarsikkallarnerani peqataasut uukapaatillugit akuersisinneqarsimaneraanera sakkortuumik uukapaatitsiniarnertut taaneqartariaqarpoq. Piviusoq tassaavoq Naalakkersuisut aalajangernermi uani ammasumik pissusilersormata.
Inussiarnersumik inuulluaqqusillunga
Vittus Qujaukitsoq, Aningaasaqarnermut Nunanilu Avannarlerni Suleqatigiinnermut Naalakkersuisoq
🇩🇰Sermitsiaq.AG’s hjemmeside refererer den 3. april 2019 en pressemeddelelse fra Partii Naleraq, i hvilken Jens Napaattoq antyder, at jeg som Naalakkersuisoq for Finanser i forbindelse med Finansloven for 2019 skulle have narret Inuit Ataqatigiit til at godkende en lukning af fødeafdelingen i Aasiaat.
Jens Napaattoq taler imod bedre vidende.
Faktum i sagen er, at Disko-regionen igennem længere tid har haft alvorlige problemer med at rekruttere fastansatte læger, og herunder særligt læger med kirurgiske kompetencer til at udføre kejsersnit og håndtere blødningskomplikationer, samt anæstesisygeplejersker. Sundhedsvæsenet har vurderet, at manglen på dette højtspecialiserede personale ikke blot kan dækkes ved ansættelse af vikarbureaupersonale. Den 30. oktober 2018 besluttede Naalakkersuisut derfor midlertidigt at godkende en ordning, hvorefter gravide i Disko-regionen må føde i enten Ilulissat eller Nuuk, indtil det atter blive muligt at rekruttere fastansat personale i det nødvendige omfang. Denne beslutning er således alene taget af hensyn til sikkerheden for de gravide og deres ufødte børn. Den midlertidige ordning skal evalueres efter et år.
Inatsisartuts Familie- og Sundhedsudvalg modtog en kopi af Naalakkersuisuts beslutningsgrundlag.
Endvidere blev offentligheden orienteret om sagen i form af en pressemeddelelse, som Departementet for Sundhed udsendte den 1. november 2018.
Beslutningen havde en finanslovsmæssig konsekvens, idet den midlertidige ordning medførte en merudgift – og altså ikke en besparelse! – i Finansloven for 2019 på 1,7 mio. kr. til bl.a. forbrug, dagpenge og transport. Denne merudgift indgik i de politiske forhandlinger, som lå til grund for finanslovsaftalen for 2019. Merudgiften blev herefter indarbejdet i Finansloven som et ændringsforslag til 3. behandlingen af lovforslaget.
Finans- og Skatteudvalget omtalte i sin tillægsbetænkning dette ændringsforslag meget tydeligt, idet udvalget bl.a. skrev følgende:
”. Der [fremsættes] ændringsforslag om afsættelse af 1,7 mio. kr. i 2019 under hovedkonto 34.12.01 Sundhedsregioner, lægebetjening, hvilket er på baggrund af, at muligheden for at føde i Aasiaat i Region Disko pr. 1. februar 2019 vil blive midlertidigt suspenderet. Årsagen til dette er mangel på relevant sundhedsfagligt personale. De fødende vil indtil videre blive overført til Ilulissat i Region Avannaa. Tiltaget er på ubestemt tid, men det vil være en midlertidig ordning, såfremt det bliver muligt at rekruttere og fastholde relevant sundhedsfagligt personale, hvilket Naalakkersuisut har besluttet der skal arbejde for. Bevillingen er derfor foreløbig tilført midler til tiltaget i 2019.”
Et flertal i udvalget, bestående af repræsentanter fra de ansvarlige finanslovspartier Siumut, Demokraterne og Inuit Ataqatigiit indstillede ændringsforslaget til vedtagelse. Partii Naleraqs repræsentant i udvalget, nemlig Jens Naapaattoq, fremkom i betænkningen ikke med hverken en indstilling, indsigelse eller nogen form for anden tilkendegivelse til sagen.
Det er derfor udtryk for manipulation af den groveste slags, når selvsamme Jens Naapaattoq nu påstår, at nogen skulle være narret til at godkende den beklagelige, men desværre nødvendige midlertidige suspension af muligheden for at føde i Aasiaat.
Faktum er, at Naalakkersuisut har været meget åbne om denne beslutning.
Med venlig hilsen
Vittus Qujaukitsoq, Naalakkersuisoq for Finanser og Nordisk Samarbejde
Indlæser ...